ചിത്രം : ഓർത്തഡോക്സ് സഭ കോട്ടയം ഭദ്രാസന രൂപീകരണത്തിന്റെ 150-ാം വാർഷികത്തിൻ്റെയും, പരിശുദ്ധ പാമ്പാടി തിരുമേനിയുടെ ചരമ വജ്ര ജൂബിലിയോട് അനുബന്ധിച്ച് നടത്തപ്പെടുന്ന പ്രവർത്തനങ്ങളുടെയും ലോഗോ പ്രകാശനം സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ നിർവഹിക്കുന്നു. കോട്ടയം ഭദ്രാസന മെത്രാപ്പോലീത്താ ഡോ.യൂഹാനോൻ മാർ ദീയസ്ക്കോറോസ്, വൈദിക ട്രസ്റ്റി ഫാ.ഡോ.തോമസ് വർഗീസ് അമയിൽ, മലങ്കര അസോസിയേഷൻ സെക്രട്ടറി അഡ്വ.ബിജു ഉമ്മൻ, കോട്ടയം ഭദ്രാസന സെക്രട്ടറി ഫാ. കെ.എം സഖറിയാ, ജൂബിലി ആഘോഷ കമ്മിറ്റി പ്രോഗ്രാം സെക്രട്ടറി സാം വർഗീസ്, ഭദ്രാസന കൗൺസിൽ അംഗങ്ങളായ ഫാ. പോൾ ഏബ്രഹാം, ഫാ. ജെയിംസ് മർക്കോസ് , ഷാജി കെ തോമസ് എന്നിവർ സമീപം.
കോട്ടയം : മലങ്കര ഓർത്തഡോക്സ് സുറിയാനി സഭയുടെ കോട്ടയം ഭദ്രാസന രൂപീകരണത്തിൻ്റെ150-ാം വാർഷികത്തിൻ്റെയും, പരിശുദ്ധ കുറിയാക്കോസ് മാർ ഗ്രീഗോറിയോസ് (പാമ്പാടി തിരുമേനി ) തിരുമേനിയുടെ ചരമ വജ്ര ജൂബിലിയോട് അനുബന്ധിച്ച് നടത്തപ്പെടുന്ന പ്രവർത്തനങ്ങളുടെയും ലോഗോ പ്രകാശനം സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ നിർവഹിച്ചു. ഒരു വർഷം നീണ്ടു നിൽക്കുന്ന 25 കർമ്മ പദ്ധതികളിൽ ജീവകാരുണ്യ പ്രവർത്തനങ്ങൾക്ക് പ്രാധാന്യം നൽകും. ജൂബിലി വർഷത്തിൽ വിദ്യാഭ്യാസം, പാർപ്പിടം, വിവാഹം, ചികിത്സാസഹായം, പാലിയേറ്റീവ് കെയർ തുടങ്ങിയ മേഖലകളിൽ കൂടുതൽ സഹായങ്ങൾ അർഹരായവരിലേക്ക് എത്തിക്കുമെന്ന് കോട്ടയം ഭദ്രാസനാധിപൻ അഭി. ഡോ. യൂഹാനോൻ മാർ ദീയസ്ക്കോറോസ് മെത്രാപ്പോലീത്താ പറഞ്ഞു. വൈദിക ട്രസ്റ്റി ഫാ.ഡോ.തോമസ് വർഗീസ് അമയിൽ, മലങ്കര അസോസിയേഷൻ സെക്രട്ടറി അഡ്വ.ബിജു ഉമ്മൻ, കോട്ടയം ഭദ്രാസന സെക്രട്ടറി ഫാ. കെ.എം സഖറിയാ, ജൂബിലി ആഘോഷ കമ്മിറ്റി പ്രോഗ്രാം സെക്രട്ടറി സാം വർഗീസ്, ഭദ്രാസന കൗൺസിൽ അംഗങ്ങളായ ഫാ. പോൾ ഏബ്രഹാം, ഫാ. ജെയിംസ് മർക്കോസ് , ഷാജി കെ തോമസ് എന്നിവർ സംബന്ധിച്ചു.