വടവാതൂർ : പള്ളം ബ്ലോക്ക് പഞ്ചായത്ത് 2023-24 വാർഷിക പദ്ധതിയിൽ ഉൾപ്പെടുത്തി നവീകരിച്ച ഓഡിറ്റോറിയത്തിന്റെ ഉദ്ഘാടനം പള്ളം ബ്ലോക്ക് പഞ്ചായത്ത് പ്രസിഡന്റ് പ്രൊഫസർ ടോമിച്ചൻ ജോസഫ് നിർവഹിച്ചു.ബ്ലോക്ക് പഞ്ചായത്ത് വൈസ് പ്രസിഡന്റ് രജനി അനിൽ അധ്യക്ഷത വഹിച്ചു. വികസനകാര്യ സ്റ്റാൻഡിങ് കമ്മിറ്റി ചെയർമാൻ അനിൽ എം ചാണ്ടി സ്വാഗതം പറഞ്ഞു. അയർക്കുന്ന ഗ്രാമപഞ്ചായത്ത് പ്രസിഡന്റ് ശ്രീമതി സീന ബിജു നാരായണൻ, ആരോഗ്യം വിദ്യാഭ്യാസം സ്റ്റാൻഡിങ് കമ്മിറ്റി ചെയർപേഴ്സൺ ധനുജാ സുരേന്ദ്രൻ,ആസൂത്രണ സമിതി ഉപാധ്യക്ഷൻ പത്മനാഭൻ ഇന്ദീവരം,എൽ എസ് ജി ഡി ഡെപ്യൂട്ടി ഡയറക്ടർ ശ്രീ.ബെവിൻ ജോൺ വർഗീസ്, അസിസ്റ്റന്റ് ഡയറക്ടർമാരായ ശ്രീമതി അനീസ് ജി, ഷറഫ് പി ഹംസ, ബ്ലോക്ക് പഞ്ചായത്ത് മെമ്പർമാരായ സിബി കൊല്ലാട്, സുനിൽകുമാർ, ഷീലമ്മ ജോസഫ്,സുജാത ബിജു, റേച്ചൽ കുര്യൻ, ദീപ ജീസസ്, തുടങ്ങിയവർ പങ്കെടുത്തു. ജില്ലാതല യോഗങ്ങൾക്ക് വേദി ഒരുക്കാവുന്ന തരത്തിൽ ആധുനിക സജ്ജീകരണങ്ങൾ ഉള്ള,200 ലേറെ പേർക്ക് കൂടി വരാവുന്ന ഓഡിറ്റോറിയം ആണ് ബ്ലോക്ക് കോമ്പൗണ്ടിൽ നവീകരിച്ചു സജ്ജമാക്കിയത്. ഉദ്ഘാടനാന്തരം ബ്ലോക്ക് പഞ്ചായത്തിലെയും വിവിധ ഘടകസ്ഥാപനങ്ങളിലൂടെയും ജീവനക്കാരുടെ കലാപരിപാടികൾ നടന്നു. ബ്ലോക്ക് പഞ്ചായത്ത് സെക്രട്ടറി ഉത്തമൻ ബി കൃതജ്ഞത പറഞ്ഞു.
