കോട്ടയം : പനച്ചിക്കാട് പഞ്ചായത്ത് ഇരുപതാം വാർഡിലെ ഉപതിരഞ്ഞെടുപ്പ് പ്രചാരണത്തിന്റെ പരസ്യപ്രചാരണം ഇന്ന് ജൂലൈ 28 ഞായറാഴ്ച അവസാനിക്കും. യുഡിഎഫ് സ്ഥാനാർത്ഥി മഞ്ജു രാജേഷും , എൽ ഡി എഫ് സ്ഥാനാർത്ഥിയായി ജെസി ജെയിംസും , ബിജെപി സ്ഥാനാർത്ഥിയായി അശ്വതി രാജേഷും ആണ് മത്സരിക്കുന്നത്. തെരഞ്ഞെടുപ്പ് പ്രവർത്തന പരസ്യപ്രചരണ പരിപാടികൾ ഞായറാഴ്ച അഞ്ചുമണിയോടുകൂടി സമാപിക്കും. അഞ്ചുമണിക്ക് സമാപിക്കുന്ന പരസ്യ പ്രചരണത്തിന്റെ ഭാഗമായി യു ഡി എഫ് നേതൃത്വത്തിൽ ഉച്ചയ്ക്ക് രണ്ടു മണിക്കു തിരുവഞ്ചൂർ രാധാകൃഷ്ണൻ എംഎൽഎയുടെയും ഫ്രാൻസിസ് ജോർജ് എംപിയുടെയും, ഡിസിസി പ്രസിഡണ്ട് നാട്ടകം സുരേഷിൻ്റെയും ‘ നേതൃത്വത്തിൽ കടുവാക്കുളം കവലയിൽ നിന്നും അവസാന വട്ട പ്രചാരണ പരിപാടി ആരംഭിക്കും. വൈകിട്ട് അഞ്ചു മണിക്ക് കടുവാക്കുളം കവലിൽ തന്നെ സമാപിക്കും.
Advertisements
