പനച്ചിക്കാട് : അങ്കണവാടികളിലെ തറയിൽ പായിലും വിരിയിലുമൊക്കെ കിടന്നിരുന്ന കുട്ടികളെ മെത്തയിൽ കിടത്തി പനച്ചിക്കാട് ഗ്രാമ പഞ്ചായത്ത് . അങ്കണവാടി കുട്ടികൾക്കായി പനച്ചിക്കാട് ഗ്രാമ പഞ്ചായത്ത് 192 പ്രീ സ്കൂൾ ബെഡുകളാണ് വിതരണം ചെയ്തത്. കുട്ടികളെ വിശ്രമ സമയത്ത് കിടത്തുന്നതിനായി ഇത് ഉപയോഗിക്കാം.
Advertisements
ഉച്ച ഭക്ഷണത്തിന് ശേഷം ഒന്നര മുതൽ മൂന്നര വരെ സമയമാണ് കുട്ടികൾക്ക് വിശ്രമത്തിനായി മാറ്റിവയ്ക്കുന്നത്. ഒരു ബെഡിൽ 3 കുട്ടികൾക്ക് കിടക്കാം. 800 രൂപയോളം വിലവരുന്ന ബെഡ് പഞ്ചായത്തിന്റെ പദ്ധതിയിൽ ഉൾപ്പെടുത്തി യാണ് വാങ്ങിയത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പഞ്ചായത്ത് പ്രസിഡന്റ് ആനി മാമ്മൻ വിതരണോദ്ഘാടനം നടത്തി. വൈസ് പ്രസിഡന്റ് റോയി മാത്യു , പഞ്ചായത്തംഗം ജയൻ കല്ലുങ്കൽ , ഐ സി ഡി എസ് സൂപ്പർവൈസർ അനീഷ ആർ ബാബു , അങ്കണവാടി ടീച്ചർമാരായ റ്റി വി ജയശ്രീ , കെ ആർ രശ്മി എന്നിവർ പ്രസംഗിച്ചു.