പനച്ചിക്കാട് : ക്വോറം തികയാത്തതിനാൽ പഞ്ചായത്ത് വൈസ് പ്രസിഡന്റ് റോയി മാത്യുവിനെതിരായി എൽ ഡി എഫ് അംഗങ്ങൾ നൽകിയ അവിശ്വാസ പ്രമേയം ചർച്ചയ്ക്കു പോലും എടുക്കാതെ തള്ളി . ഇന്ന് രാവിലെ പത്തരയ്ക്ക് നടന്ന അവിശ്വാസ പ്രമേയ ചർച്ചയിൽ ഏഴ് എൽ ഡി എഫ് അംഗങ്ങളും ഒരു സ്വതന്ത്ര അംഗവും മാത്രമാണ് ഹാജരായത് . പത്ത് മിനിറ്റിനുള്ളിൽ നടപടിക്രമങ്ങൾ പൂർത്തിയാക്കി യോഗം പിരിഞ്ഞു . പള്ളം ബി ഡി ഓ ആയിരുന്നു വരണാധികാരി . നവംബർ 6 തിങ്കളാഴ്ച പ്രസിഡന്റ് ആനിമാമ്മനെതിരെ നൽകിയ അവിശ്വാസ പ്രമേയവും തളളിയിരുന്നു . ആകെ അംഗസംഖ്യയുടെ മൂന്നിലൊന്ന് പേർ ഒപ്പിട്ടാലേ അവിശ്വാസ പ്രമേയത്തിന് നോട്ടീസ് നൽകുവാൻ കഴിയുകയുള്ളു . 23 അംഗങ്ങളിൽ എൽ ഡി എഫിന് ഏഴ് അംഗങ്ങൾ മാത്രമാണുള്ളത് . അവിശ്വാസ പ്രമേയം നൽകുവാൻ സ്വതന്ത്ര അംഗത്തെ കൂടെ കൂട്ടുകയായിരുന്നു.
Advertisements
