കോട്ടയം : കോട്ടയം പാറേച്ചാൽ ബൈപ്പാസിൽ നിയന്ത്രണം വിട്ട ബൈക്ക് അപകടത്തിൽപ്പെട്ട് ചെങ്ങളം സ്വദേശിയായ യുവാവിന് ദാരുണാന്ത്യം. ചെങ്ങളം കുന്നുംപുറത്ത് വീട്ടിൽ വിജീഷ് കെ.വിജയൻ (34) ആണ് മരിച്ചത്. ശനിയാഴ്ച രാത്രി 11.30 നായിരുന്നു അപകടം. പാറേച്ചാൽ ഭാഗത്ത് വച്ച് എത്തിയ ബൈക്ക് നിയന്ത്രണം വിട്ട് മറ്റൊരു ബൈക്കുമായി ഇടിയ്ക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ വിജീഷിനെ പോലീസ് നൈറ്റ് പട്രോളിംങ്ങ് സംഘം എത്തിയാണ് ആശുപത്രിയിൽ എത്തിച്ചത്. കോട്ടയം മെഡിക്കൽ കോളജ് ആശുപത്രിയിൽ എത്തിച്ചപ്പോഴേയ്ക്കും മരണം സംഭവിച്ചു. അവിവാഹിതനാണ്. അടുത്തിടെ യു.കെ യിലേയ്ക്ക് പോകാൻ തയ്യാറെടുക്കുകയായിരുന്നു. ആശാരിപ്പണിക്കാരനാണ് മരിച്ച വിജീഷ്. അച്ഛൻ : വിജയൻ , അമ്മ : മഹിളാമണി. സഹോദരൻ വിനീഷ്.
Advertisements
