തിരുവല്ല : പത്തനംതിട്ട കല്ലുപ്പാറയിൽ കെഎസ്ആർടിസി ബസുകൾ തമ്മിൽ കൂട്ടിയിടിച്ച് അപകടം. തോട്ടഭാഗം – മല്ലപ്പള്ളി റോഡിൽ കല്ലുപ്പാറ ജംഗ്ഷന് സമീപമാണ് അപകടം ഉണ്ടായത്. നിരവധി പേർക്ക് പരിക്കേറ്റിട്ടുണ്ട്. പരിക്കേറ്റവരെ തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് അതീവ ഗുരുതരമല്ല എന്നാണ് ലഭിക്കുന്ന വിവരം.
Advertisements
കല്ലപ്പാറ ജംഗ്ഷനിൽ നിന്നും മല്ലപ്പള്ളിക്ക് പോകുന്ന റോഡിൽ ജംഗ്ഷന് സമീപമായി വളവുള്ള സ്ഥലത്താണ് അപകടമുണ്ടായത്. ഇവിടെ റോഡിന് വീതി അല്പം കുറവാണ്. റോഡ് ഉന്നത നിലവാരത്തിലേക്ക് ഉയർത്തിയതിനുശേഷം വാഹനങ്ങൾ അല്പം വേഗതയിലാണ് ഈ റോഡിൽ സഞ്ചരിക്കുന്നത്. വളരെ ശ്രദ്ധിച്ചു പോയില്ലെങ്കിൽ വളരെ അപകടസാധ്യത നിലനിൽക്കുന്ന സ്ഥലമാണ് ഇത്. നാട്ടുകാരും, പോലീസും, ചേർന്നാണ് രക്ഷാപ്രവർത്തനങ്ങൾക്ക് നേതൃത്വം നൽകിയത്. പോലീസ് സ്ഥലത്തെ മേൽനടപടികൾ സ്വീകരിച്ചു വരുന്നു.
