പത്തനംതിട്ട : കേരള എൻ ജി യൂണിയൻ 40-ാം പത്തനംതിട്ട ജില്ലാ സമ്മേളനം നാളെ കോന്നി ശബരി ഓഡിറ്റോറിയത്തിൽ ഇന്ന് ആരംഭിക്കും. രാവിലെ 9.30 ന് ജില്ലാ പ്രസിഡന്റ്‌ എസ് ബിനു പതാക ഉയർത്തും. സി ഐ ടി യു സംസ്ഥാന വൈസ് പ്രസിഡന്റ്‌ പി ബി ഹർഷകുമാർ സമ്മേളനം ഉദ്ഘാടനം ചെയ്യും. ജില്ലാ സെക്രട്ടറി ഡി സുഗതൻ പ്രവർത്തന റിപ്പോർട്ടും, ജില്ലാ ട്രഷറർ ജി ബിനുകുമാർ വരവ് ചെലവ് കണക്കും അവതരിപ്പിക്കും. എഫ് എസ് ഇ ടി ഒ ജില്ലാ പ്രസിഡന്റ്‌ ബിനു ജേക്കബ് നൈനാൻ, കോൺഫെഡറേഷൻ ഓഫ് സെൻട്രൽ ഗവണ്മെന്റ് എംപ്ലോയീസ് ആൻഡ് വർക്കേഴ്സ് ജില്ലാ സെക്രട്ടറി കെ കെ ജഗദമ്മ എന്നിവർ അഭിവാദ്യം ചെയ്യും.
എൻ ജി ഒ യൂണിയൻ സംസ്ഥാന സെക്രട്ടറിയേറ്റ് അംഗം കെ വി പ്രഫുൽ സംഘടന റിപ്പോർട്ട്‌ അവതരിപ്പിക്കും. ചർച്ചകൾക്ക് സംസ്ഥാന സെക്രട്ടറി വി കെ ഷീജ മറുപടി പറയും.
സമ്മേളനത്തിന്റെ രണ്ടാം ദിവസം ഞായർ ഉച്ചക്ക് ശേഷം 2 മണിക്ക് നടക്കുന്ന സുഹൃദ് സമ്മേളനം കെ യു ജനിഷ്കുമാർ എം എൽ എ ഉദ്ഘാടനം ചെയ്യും. സി ഐ ടി യു ജില്ലാ പ്രസിഡന്റ്‌ എസ് ഹരിദാസ്, വിവിധ സർവ്വീസ് – സംഘടന നേതാക്കൾ അഭിവാദ്യം ചെയ്യും.
