ശബരിമല മണ്ഡല മഹോൽസവത്തിൻ്റെ ഭാഗമായുള്ള കർപ്പൂരാഴി ഘോഷയാത്ര ഡിസംബർ 22 ന് ശബരിമല അയ്യപ്പസന്നിധിയിൽ നടക്കും. തിരുവിതാംകൂർ ദേവസ്വം ബോർഡ് ജീവനക്കാരുടെ വകയായാണ് 22 ലെ കർപ്പൂരാഴി. 22 ന് ദീപാരാധനയ്ക്ക് ശേഷം കർപ്പൂരാഴി തെളിക്കും.ക്ഷേത്ര കൊടിമരത്തിനു മുന്നിലായി ക്ഷേത്രതന്ത്രി കണ്ഠരര് രാജീവരര് കർപ്പൂരാഴിക്ക് അഗ്നി പകരും. തുടർന്ന് കർപ്പൂരാഴി ഘോഷയാത്ര ആരംഭിക്കും.
പുലിവാഹനനായ അയ്യപ്പൻ, വിവിധ വാദ്യമേളങ്ങൾ, പുരാണ വേഷവിദാനങ്ങൾ, പൂക്കാവടി, മയിലാട്ടം, വിളക്കാട്ടം തുടങ്ങിയവ ഘോഷയാത്രയിൽ അണിനിരക്കും. ശബരിമലയിൽ ഡൂട്ടി നോക്കുന്ന വിവിധ ഡിപ്പാർട്ട്മെൻറുകളിലെ ജീവനക്കാർ ഘോഷയാത്രയിൽ പങ്കെടുക്കും. മാളികപ്പുറം ക്ഷേത്രസന്നിധി വഴി നടപ്പന്തലിൽ എത്തി പതിനെട്ടാം പടിക്ക് മുന്നിലേക്കാണ് കർപ്പൂരാഴി ഘോഷയാത്ര. 23 ന് സന്നിധാനത്ത് ഡൂട്ടിയിലുള്ള എല്ലാ പൊലീസ് സേനാ ഉദ്യോഗസ്ഥരുടെയും വകയായി ആണ് കർപ്പൂരാഴി ഘോഷയാത്ര നടക്കുക.
