കോട്ടയം : പി.പി.ഇ ക്കിറ്റ് അഴിമതിക്കേസിൽ മുഖ്യമന്ത്രിയ്ക്കെതിരെ പ്രതിഷേധവുമായി യൂത്ത് കോൺഗ്രസ്. ജില്ലാ കോൺഗ്രസ് കമ്മറ്റി ഓഫീസിനു മുന്നിലാണ് യൂത്ത് കോൺഗ്രസ് പ്രവർത്തകർ മുഖ്യമന്ത്രിയെ കരിങ്കൊടി കാട്ടിയത്. പി.പി.ഇ കിറ്റ് ധരിച്ചെത്തിയാണ് പ്രവർത്തകർ കരിങ്കൊടി കാട്ടിയത്. യൂത്ത് കോൺഗ്രസ് ജില്ല പ്രസിഡന്റ് ചിന്റു കുര്യൻ ജോയിയുടെ നേതൃത്വത്തിൽ പത്തോളം പ്രവർത്തകർ പ്രതിഷേധത്തിൽ പങ്കെടുത്തു. കർഷകസംഘം സംസ്ഥാന സമ്മേളനം ഉദ്ഘാടനം ചെയ്ത ശേഷം തിരുവനന്തപുരത്തേക്ക് മടങ്ങുകയായിരുന്നു മുഖ്യമന്ത്രി.ജില്ലാ കോൺഗ്രസ് കമ്മിറ്റി പ്രസിഡന്റ് നാട്ടകം സുരേഷ് സ്ഥലത്ത് എത്തിയിരുന്നു. പ്രവർത്തകരെ പൊലീസ് കസ്റ്റഡിയിൽ എടുത്തു.
Advertisements
