മല്ലപ്പള്ളി മുരണിയിൽ പഞ്ചായത്ത് നിയമിച്ച ഷൂട്ടർ കാട്ടുപന്നിയെ വെടിവെച്ചു കൊന്നു

മല്ലപ്പള്ളി : മുരണി പഞ്ചായത്ത്‌ നാലാം വാർഡിൽ അശ്വതി ഭവനിൽ പ്രദീപിന്റെ പുരയിടത്തിൽ കൃഷി നശിപ്പിച്ച കാട്ടുപന്നിയെ പഞ്ചായത്ത്‌ നിയമിച്ച ഷൂട്ടർ. ജോസ് പ്രകാശ് വെടിവെച്ച് കൊന്നു. ഏകദേശം 60 കിലോയിൽ കൂടുതൽ തൂക്കം ഉണ്ടായിരുന്ന പന്നിയെ പഞ്ചായത്ത്‌ മെമ്പർമാരായ പ്രകാശ് വടക്കേമുറിയുടേയും ഗീതു അനിലിന്റേയും സാന്നിധ്യത്തിൽ ശാസ്ത്രീയമായ രീതിയിൽ മറവ് ചെയ്തു. ഈ പ്രദേശങ്ങളിൽ കാട്ടുപന്നി ശല്യം രൂക്ഷമാണെന്നാണ് പ്രദേശവാസികളുടെ പരാതി.