പത്തനംതിട്ട: ളാഹയിൽ ശബരിമല തീർത്ഥാടകരുടെ സംഘം സഞ്ചരിച്ച ബസ് നിയന്ത്രണം വിട്ടു മറിഞ്ഞു. ശനിയാഴ്ച രാവിലെ 8,45 നാണ് അപകടമുണ്ടായത്. പത്തു പേർക്ക് പരിക്കേറ്റതായി സൂചനയുണ്ട്. ശബരിമല തീർത്ഥാടകർ സഞ്ചരിച്ച ബസ് റോഡിൽ തലകീഴായി മറിയുകയായിരുന്നുവെന്നാണ് ലഭിക്കുന്ന റിപ്പോർട്ട്. ഇതേ തുടർന്നു മോട്ടോർ വാഹന വകുപ്പ് അധികൃതരും പൊലീസും സ്ഥലത്ത് എത്തിച്ചേർന്നിട്ടുണ്ട്. ളാഹയിൽ വലിയ വളവിനു സമീപത്തുവച്ച് നിയന്ത്രണം നഷ്ടമായി ബസ് മറിഞ്ഞതാണെന്നാണ് ലഭിക്കുന്ന വിവരം. സംഭവം അറിഞ്ഞ് സ്ഥലത്ത് എത്തിയ അധികൃതർ രക്ഷാപ്രവർത്തനം ആരംഭിച്ചിട്ടുണ്ട്.
Advertisements
