തിരുവല്ല :
ബിലീവേഴ്സ് ഈസ്റ്റേൺ സഭാധ്യക്ഷനായി തെരഞ്ഞെടുത്ത ഡോ. സാമുവേൽ മാർ തിയോ ഫിലസ് മെത്രാപ്പോലീത്തയുടെ സ്ഥാനാരോഹണ ചടങ്ങുകൾ ശനിയാഴ്ച രാവിലെ 8 മണിയ്ക്ക് സഭാ ആസ്ഥാനത്തെ സെന്റ്. തോമസ് ബിലീവേഴ്സ് ഈസ്റ്റേൺ ചർച്ച് കത്തീഡ്രലിൽ നടക്കും. കുർബാന മധ്യേയാണ് സ്ഥാനാരോഹണ
ശുശ്രൂഷകൾ നടക്കുക. സഭയിലെ മുതിർന്ന എപ്പിസ്കോപ്പയും ഡൽഹി ഭദ്രാസന അധിപനുമായ ജോൺ മോർ ഐറേനിയസ് മുഖ്യകാർമികനാകും. സഭയിലെ മറ്റു എപ്പിസ്കോപ്പമാർ സഹകാർ മികരാകും.
Advertisements
അനുമോദനയോഗം 11.30ന് മാർ അത്തനേഷ്യസ് യോഹാൻ മെമോറിയൽ കൺവൻഷൻ സെൻ്ററിൽ മലങ്കര മാർത്തോമാ സുറിയാനി സഭ അധ്യക്ഷൻ ഡോ. തിയോഡോഷ്യസ് മാർത്തോമാ മെത്രാപ്പോലീത്ത ഉദ്ഘാടനം ചെയ്യും. മന്ത്രി സജി ചെറിയാൻ, രമേശ് ചെന്നിത്തല, മാത്യു ടി തോമസ്, സഹോദര സഭകളിലെ വൈദികർ, വിവിധ മത, രാഷ്ട്രീയ, സാമൂഹിക, രംഗങ്ങളിലെ പ്രമുഖർ പങ്കെടുക്കും.
