തൃക്കവിയൂർമഹാദേവ ക്ഷേത്രം : ഇന്ന് ഊരുവലത്ത് എഴുന്നള്ളത്ത് സമാപനം ; നാളെ മുതൽ സേവ

തിരുവല്ല : തൃക്കവിയൂർ മഹാദേവ ക്ഷേത്രത്തിൽ ഉത്സവത്തോടനുബന്ധിച്ചുള്ള ഊരുവലത്ത് ഇന്ന് സമാപിക്കും.
ഇരവിപേരൂർ കരയിലേക്ക് ഉള്ള ഊരുവലത്ത് ഉച്ചയ്ക്ക് 3 മണിയ്ക്ക്. വൈകിട്ട് 6.30 ന് അക്ഷര ശ്ലോക സദസ്സ്. 8.00ന് സിനിമ – സീരിയൽ നടി ശാലുമേനോൻ അവതരിപ്പിക്കുന്ന സിനിമാറ്റിക് വിഷ്വൽ ഡ്രാമ രൗദ്രമുഖി. ഏഴാം ഉത്സവദിനമായ നാളെ മുതൽ സേവ, വേലകളി, കാഴ്ച ശ്രീബലിയ്ക്കും തുടക്കമാകും. എട്ടാം ഉത്സവദിനമായ രണ്ടുമുതൽ ഉത്സവബലി ഉണ്ടാകും. മൂന്നിന് പള്ളിവേട്ടയും, നാലിന് ആറാട്ടോടെ ഉത്സവം സമാപിക്കും.