മല്ലപ്പള്ളി : കൊറ്റനാട് പഞ്ചായത്ത് വൈസ് പ്രസിഡൻ്റായി സി പി ഐ യിലെ എലിസബത്ത് ഫിലിപ്പിനെ തെരഞ്ഞെടുത്തു. എൽ ഡി എഫ് ധാരണപ്രകാരം സി പി എം അംഗം രാജിവെച്ചതിനെ തുടർന്നാണ് പഞ്ചായത്തിൽ വൈസ് പ്രസിഡൻ്റ് തെരഞ്ഞെടുപ്പ് നടന്നത്. എലിസബത്ത് ഫിലിപ്പിന് എട്ടും, ബി ജെ പി യിലെ വി വി വിജിതക്ക് നാല് വോട്ടുകളും ലഭിച്ചു. കോൺഗ്രസ് അംഗം വോട്ടെടുപ്പിൽ നിന്നും വിട്ടു നിന്നു. പഞ്ചായത്ത് കോൺഫറൻസ് ഹാളിൽ നടന്ന തെരഞ്ഞെടുപ്പിൽ സഹകരണ സംഘം മല്ലപ്പള്ളി അസിസ്റ്റൻ്റ് രജിസ്ട്രാർ (ജനറൽ) എം വി സുജാതയായിരുന്നു വരണാധികാരി. 13 അംഗ പഞ്ചായത്തിൽ എൽ ഡി എഫ് എട്ട്, ബി ജെ പി നാല്, കോൺഗ്രസ് ഒന്ന് എന്നിങ്ങനെയാണ് കക്ഷിനില.
Advertisements
