മല്ലപ്പള്ളി : താലൂക്ക് സപ്ലൈ ഓഫീസിന്റെ ആഭിമുഖ്യത്തിൽ
ദേശീയ ഉപഭോക്‌തൃ അവകാശ ദിനാഘോഷം നടത്തി.
അറിയൂ ഈ നല്ല മാറ്റങ്ങൾ ജാഗ്രതാ സദസ്സ് എന്ന പരിപാടി പൊതുജന പങ്കാളിത്തത്തോടു കൂടി മല്ലപ്പള്ളി താലൂക്ക് കോൺഫറൻസ് ഹാളിൽ വെച്ചു നടത്തി. മല്ലപ്പള്ളി ബ്ലോക്ക് പഞ്ചായത്ത് പ്രസിഡൻറ് ബിന്ദു ചന്ദ്രമോഹൻ ഉദ്‌ഘാടനം നിർവഹിച്ചു . ഗ്രാമ പഞ്ചായത്ത് പ്രസിഡൻറ് ബിന്ദു മേരി തോമസ് അധ്യക്ഷത വഹിച്ച യോഗത്തിൽ ഉപഭോക്‌തൃ സംരക്ഷണ നിയമത്തെക്കുറിച്ചും ഹരിത ഉപഭോഗത്തെ കുറിച്ചും ജില്ലാ ഉപഭോക്‌തൃ തർക്ക പരിഹാര കമ്മീഷൻ അംഗം അഡ്വ. നിഷാദ് തങ്കപ്പൻ മുഖ്യ പ്രഭാഷണം നടത്തി.
വാസുദേവൻ നമ്പൂതിരി ഡി താലൂക്ക് സപ്ലൈ ഓഫീസർ , മുൻ താലൂക് സപ്ലൈ ഓഫീസർ മാരായ ജി ശശികുമാർ, അഭിമന്യു ആർ, അസിസ്റ്റൻറ് താലൂക്ക് സപ്ലൈ ഓഫീസർ ശ്രീജ കെ എസ് എന്നിവർ സംസാരിച്ചു .
ഹൈസ്‌കൂൾ വിദ്യാർത്ഥികൾക്കായി നടത്തിയ ക്വിസ് മത്സരത്തിൽ അക്ഷിത പ്രസാദ്, എസ് റ്റി ബി കോൺവെൻറ് ചെങ്ങരൂർ ഒന്നാം സ്ഥാനവും, അക്ഷയ എ നായർ എൻ എസ് എസ് എച്ച് എസ് കുന്നന്താനം രണ്ടാം സ്ഥാനവും കരസ്ഥമാക്കി .
ഉപന്യാസ രചന മത്സരത്തിൽ ആർദ്ര അശോക് എൻ എസ് എസ് എച്ച് എസ് കുന്നന്താനം ഒന്നാംസ്ഥാനവും, ഏയ്ഞ്ചൽ മറിയം മാത്യു എസ് റ്റി ബി കോൺവെൻറ് ചെങ്ങരൂർ രണ്ടാം സ്ഥാനവും കരസ്ഥമാക്കി.
