നെഹ്റു ട്രോഫിക്ക് പരിശീലന തുഴച്ചിൽ ; നിരണം ചുണ്ടൻ നീരണിഞ്ഞു

തിരുവല്ല :
പുന്നമടയിൽ ആഗസ്റ്റ് 10 ന്
നടക്കുന്ന ജലോത്സവങ്ങളിൽ പങ്കെടുക്കുന്നതിന് വേണ്ടിയുള്ള പരിശീലന തുഴച്ചിലിനായി ഇരതോട് കടവിൽ നിരണം ചുണ്ടൻ നീരണിഞ്ഞു. ബി ജെ പി ദേശീയ സമിതിയംഗം അനൂപ് ആന്റണി ഫ്ലാഗ് ഓഫ് നടത്തി. നിരണം ചുണ്ടൻ ഫാൻസ് അസോസിയേഷൻ നൽകിയ ജേഴ്സിയുടെ പ്രകാശനം സുനിൽ കുമാർ നിർവ്വഹിച്ചു. വൈസ് പ്രസിഡന്റ് റോബി തോമസ് അധ്യക്ഷത വഹിച്ചു. ജോബി ദാനിയേൽ പി എം തോമസ്, സാന്റോ തട്ടാറയിൽ ജോബി ആലപ്പാട്ട്, റെന്നി കൊടുവശ്ശേരിൽ രതീഷ് കുമാർ, ജേക്കബ് ജോർജ്, റെന്നി തേവേരിൽ എന്നിവർ പ്രസംഗിച്ചു.