തിരുവല്ല : രാഷ്ട്രീയ സമരങ്ങളുടെ പേരിൽ എതിരാളികളെ കള്ളക്കേസുകളിൽ കുടുക്കി ജയിലിലടയ്ക്കുന്ന പിണറായി സർക്കാരിൻ്റെ സമീപനം തീക്കളിയാണെന്ന് കെ പി സി സി ജനറൽ സെക്രട്ടറി അഡ്വ. പഴകുളം മധു പ്രസ്താവിച്ചു. യൂത്ത് കോൺഗ്രസ് പ്രസിഡൻറ് രാഹുൽ മാങ്കൂട്ടത്തിലിനെ ഭീകരവാദിയെപോലെ വീട് വളഞ്ഞ് അറസ്റ്റ് ചെയ്ത നടപടി നീതീകരിക്കാവുന്നതല്ല. പോലീസിനെ ദുരുപയോഗം ചെയ്ത് രാഷ്ട്രീയ എതിരാളികളെ ഇല്ലായ്മ ചെയ്യുവാൻ ശ്രമിക്കുന്ന പിണറായി വിജയനെ കാത്തിരിക്കുന്നത് ഒഴിവാക്കുവാനാവാത്ത മഹാദുരന്തമാണ്.
നിയമ വിരുദ്ധ പ്രവർത്തനങ്ങൾക്ക് നേതൃത്വം നൽകുന്ന പോലീസ് ഉദ്യോഗസ്ഥർക്ക് ഭാവിയിൽ കണക്കു പറയേണ്ടി വരും. യൂത്ത് കോൺഗ്രസ് തിരുവല്ല നിയോജക മണ്ഡല കൺവൻഷനും ഭാരവാഹികളുടെ ചുമതലയേൽക്കുന്ന ചടങ്ങും ഉത്ഘാടനം ചെയ്ത് സംസാരിക്കുകയായിരുന്നു പഴകുളം മധു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നിയോജകമണ്ഡലം പ്രസിഡന്റ്‌ അഭിലാഷ് വെട്ടിക്കാടൻ അധ്യക്ഷത വഹിച്ചു. യൂത്ത് കോൺഗ്രസ് ജില്ലാ പ്രസിഡന്റ്‌ വിജയ് ഇന്ദുചൂഡൻ മുഖ്യപ്രഭാഷണം നടത്തി. ഡി സി സി ജനറൽ സെക്രട്ടറിമാരായ അഡ്വ. സതീഷ് ചാത്തങ്കരി, ജേക്കബ് പി ചെറിയാൻ, കോൺഗ്രസ് ബ്ലോക്ക്‌ പ്രസിഡന്റ്‌ ഈപ്പൻ കുര്യൻ, യൂത്ത് കോൺഗ്രസ് സംസ്ഥാന സെക്രട്ടറിമാരായ അഖിൽ ഓമനക്കുട്ടൻ, ജിജോ ചെറിയാൻ, പഞ്ചായത്ത്‌ പ്രസിഡന്റ്‌ വിനീത് കുമാർ, യൂത്ത് കോൺഗ്രസ് ജില്ലാ ഭാരവാഹികൾ സലീൽ സാലി, ജിബിൻ കാലായിൽ, ജിവിൻ പുളിമ്പള്ളിൽ, റിജോ വള്ളംകുളം, അഡ്വ. ബ്രൈറ്റ് കുര്യൻ, വിശാഖ് വെൺപാല, ആർ ജയകുമാർ, അഡ്വ. വിബിത ബാബു, സിന്ധു സുഭാഷ്, എൻ എ ജോസ്, കൊച്ചുമോൾ പ്രദീപ്, ശില്പ സൂസൻ തോമസ്, കെ പി രഘുകുമാർ, യൂത്ത് കോൺഗ്രസ് നിയോജകമണ്ഡലം ഭാരവാഹികൾ റോണി അലക്സ്‌ ഈപ്പൻ, ശ്രീജിത്ത്‌ തുളസിദാസ്, സാന്റോ തട്ടാറയിൽ, ടോണി ഇട്ടി എന്നിവർ പ്രസംഗിച്ചു.
