റാന്നി: പുനലൂർ-മൂവാറ്റുപുഴ സംസ്ഥാന പാതയിൽ റാന്നി പാലത്തിന് സമീപം കാർ വീടിന്റെ ഭിത്തിയിലിടിച്ച് റോഡിന്റെ വശത്തെ കുഴിയിലേക്ക് മറിഞ്ഞ് അപകടം. അപകടത്തിൽ ആർക്കും പരിക്കില്ല. ഇന്ന് ഉച്ചയോടെയാണ് സംഭവം നടന്നത്. റാന്നി അങ്ങാടി വലിയകാവ് ഈട്ടിച്ചുവട് മണിമലേത്ത് അലക്സും ഭാര്യയും സഞ്ചരിച്ചിരുന്ന കാറാണ് പാലം ഇറങ്ങി റോഡിന്റെ വശത്തേ കെട്ടിടത്തിനും റോഡിനും ഇടയിലുള്ള കുഴിയിലേക്ക് മറിഞ്ഞത്. റോഡിന്റെ വശത്തെ സംരക്ഷണ വേലി ഇടിച്ച് തകർത്താണ് കാർ മറിഞ്ഞത്. അപകടം ഉണ്ടായ ഉടൻ തന്നെ സമീപത്തുണ്ടായിരുന്ന നാട്ടുകാർ ഓടിക്കൂടി കാറിനുള്ളിൽ കുടുങ്ങിയ വരെ പുറത്തെത്തിച്ചതിനാൽ കൂടുതൽ അപകടം ഉണ്ടായില്ല. കാർ മറിയുവാൻ കാരണം ഡ്രൈവർ ഉറങ്ങിയതാണെന്നാണ് കാറിലുണ്ടായിരുന്നവർ പറഞ്ഞു.
Advertisements
