ശബരിമല ദർശനം നടത്തി നടൻ മോഹൻലാൽ : ദർശനത്തിന് എത്തിയത് എമ്പുരാൻ റിലീസിന് ദിവസങ്ങൾ ബാക്കി നിൽക്കെ

പത്തനംതിട്ട : ശബരിമല ദര്‍ശനം നടത്തി നടന്‍ മോഹന്‍ലാല്‍. ഗണപതി കോവിലില്‍ നിന്ന് കെട്ട് നിറച്ചാണ് നടന്‍ മല കയറിയത്.
സന്ധ്യയോടെ അയ്യപ്പ ദര്‍ശനം നടത്തിയ മോഹന്‍ലാല്‍ ബുധനാഴ്ച രാവിലെ നെയ്യഭിഷേകം നടത്തിയാവും മലയിറങ്ങുക. മോഹന്‍ലാല്‍ മലകയറുന്ന വീഡിയോ സാമൂഹിക മാധ്യമങ്ങളില്‍ വൈറലായി. സിനിമ പ്രേക്ഷകര്‍ ആകാംക്ഷയോടെ കാത്തിരിക്കുന്ന എമ്പുരാന്റെ റിലീസിന് ദിവസങ്ങള്‍ മുമ്പാണ് മോഹന്‍ലാല്‍ അയ്യപ്പ ദര്‍ശനത്തിനായി എത്തുന്നത്.

Advertisements

മാര്‍ച്ച് 27 നാണ് മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്ത എമ്പുരാന്‍ പ്രദര്‍ശനത്തിനെത്തുന്നത്. ചിത്രത്തെ സംബന്ധിച്ച് ഒരു വമ്പന്‍ പ്രഖ്യാപനം ചൊവ്വാഴ്ചയുണ്ടാവുമെന്ന് അണിയറ പ്രവര്‍ത്തകര്‍ കഴിഞ്ഞദിവസം അറിയിച്ചിരുന്നു.
മലയാളത്തില്‍ ഐമാക്‌സില്‍ പ്രദര്‍ശനത്തിനെത്തുന്ന ആദ്യ ചിത്രമായിരിക്കും എമ്പുരാന്‍ എന്ന അപ്‌ഡേറ്റാണ് ഇപ്പോള്‍ ഔദ്യോഗികമായി പുറത്തു വിട്ടിരിക്കുന്നത്.

Hot Topics

Related Articles