അടൂര്‍ : മണ്ഡലത്തില്‍ ഡിസംബര്‍ 17 നു നടക്കുന്ന നവകേരളസദസുമായി ബന്ധപ്പെട്ട ക്രമീകരണങ്ങള്‍ ചര്‍ച്ച ചെയ്യുന്നതിന് 25ന് നാളെ ഉച്ചകഴിഞ്ഞു മൂന്നിനു അടൂര്‍ കണ്ണംകോട് സെന്റ്‌തോമസ് ഓര്‍ത്തോഡോക്‌സ് കത്തീഡ്രല്‍ പാരിഷ് ഹാളില്‍ സംഘാടകസമിതി രൂപീകരണയോഗം ചേരും. നിയമസഭാ ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ അധ്യക്ഷത വഹിക്കുന്ന യോഗം ആരോഗ്യ, വനിതാ -ശിശു വികസനവകുപ്പു മന്ത്രി വീണാ ജോര്‍ജ്ജ് ഉദ്ഘാടനം ചെയ്യും. ജില്ലാ കളക്ടര്‍ എ. ഷിബു പങ്കെടുക്കും
സംസ്ഥാനസര്‍ക്കാര്‍ രണ്ടു വര്‍ഷമായി നടപ്പാക്കിയ വികസനപ്രവര്‍ത്തനങ്ങള്‍ ജനങ്ങളില്‍ എത്തിക്കുന്നതിനും ഭാവി പ്രവര്‍ത്തനങ്ങള്‍ക്കു രൂപം നല്‍കുന്നതിനുമായാണ് മുഖ്യമന്ത്രിയും മറ്റു മന്ത്രിമാരും പങ്കെടുക്കുന്ന നവകേരളസദസ് സംസ്ഥാനത്തെ എല്ലാ നിയോജകമണ്ഡലങ്ങളിലും നവംബര്‍ 18 മുതല്‍ ഡിസംബര്‍ 24 വരെ നടക്കുന്നത്.
Advertisements
