കണ്ണൂര്‍: പീഡനപരാതിയില്‍ പൊലീസ് കേസെടുത്ത കണ്ണൂര്‍ കോര്‍പറേഷന്‍ കൗണ്‍സിലര്‍ പി.വി.കൃഷ്ണകുമാറിനെ കോണ്‍ഗ്രസ് സസ്പെന്‍ഡ് ചെയ്തു. കണ്ണൂര്‍ ബ്ലോക്ക് കോണ്‍ഗ്രസ് വൈസ് പ്രസിഡന്‍റായ കൃഷ്ണകുമാറിനെ അന്വേഷണ വിധേയമായി സസ്പെന്‍ഡ് ചെയ്തതായി ഡി.സി.സി വാര്‍ത്താക്കുറിപ്പില്‍ അറിയിച്ചു.
Advertisements
കോണ്‍ഗ്രസ് മണ്ഡലം സെക്രട്ടറി കൂടിയായ കൃഷ്ണകുമാറിനെതിരെ യുവതിയാണ് പരാതി നല്‍കിയത്. ജോലിസ്ഥലത്ത് ലൈംഗിക ദുരുദ്ദേശ്യത്തോടെ കൃഷ്ണകുമാര്‍ തന്നെ കയറിപ്പിടിച്ചെന്നാണ് യുവതിയുടെ പരാതി. ഇതേതുടര്‍ന്നാണ് പൊലീസ് കേസെടുത്തത്. ഒളിവില്‍ കഴിയുന്ന കൃഷ്ണകുമാറിനായി അന്വേഷണമാരംഭിച്ചിട്ടുണ്ടെന്ന് പൊലീസ് അറിയിച്ചു.
