വൈക്കം: ഭാരതത്തിൻ്റെ 76- മത് റിപ്പബ്ലിക്ക് ദിനം വൈക്കം നഗരസഭയുടെ ആഭിമുഖ്യത്തിൽ സൂചിതമായി ആചരിച്ചു. നഗരത്തിലെ എഴു സ്ക്കൂളുകളിൽ നിന്നും എൻസിസി ,സ്റ്റുഡൻസ് പോലീസ് കേഡറ്റുകൾ, നിശ്ചല ദൃശ്യങ്ങൾ, കലാരു പങ്ങൾ, വാദ്യമേളങ്ങൾ എന്നിവയുടെ അകമ്പടിയോടെ നഗരം ചുറ്റി ഘോഷയാത്ര വൈക്കം കായലോരത്തെ സർക്കാർ അതിഥിമന്ദിര അങ്കണത്തിൽ സംഗമിച്ചു. മികച്ച രീതിയിൽ റിപ്പബ്ലിക് ദിനഘോഷയാത്ര സംഘടിപ്പിച്ച സ്ക്കൂളുകൾക്കു് ട്രോഫികൾ നല്കി. നഗരസഭ വൈസ് ചെയർമാൻ പി.ടി. സുഭാഷ് അധ്യക്ഷത വഹിച്ച യോഗം നഗരസഭ ചെയർപേഴ്സൺ പ്രീതരാജേഷ് ഉദ്ഘാടനം ചെയ്തു. നഗരസഭ സ്റ്റാൻഡിംഗ് കമ്മറ്റി ചെയർമാൻമാരായ ലേഖാ ശ്രീകുമാർ , സിന്ധു സജീവൻ, എസ്.ഹരിദാസൻനായർ, എൻ. അയ്യപ്പൻ, ബിന്ദുഷാജി, നഗരസഭകൗൺസിലർമാരായ കെ.പി.സതീശൻ, അശോകൻ വെള്ളവേലി, ഗിരിജാകുമാരി രേണുക രതീഷ്, രാധികാശ്യാം എംകെ. മഹേഷ്, ലേഖഅശോകൻ, എബ്രഹാം പഴയകടവൻ തുടങ്ങിയവർ പ്രസംഗിച്ചു.
വൈക്കം നഗരസഭ റിപ്പബ്ലിക് ദിനാഘോഷം നടത്തി
