മലപ്പുറം : മഞ്ചേരിയില്‍ വാഹനാപകടത്തില്‍ കുട്ടിയുള്‍പ്പെടെ അഞ്ച് പേര്‍ മരിച്ചു. കര്‍ണാടകയില്‍ നിന്നുള്ള ശബരിമല തീര്‍ത്ഥാടകര്‍ സഞ്ചരിച്ച ബസും ഓട്ടോയും കൂട്ടിയിടിച്ചാണ് അപകടമുണ്ടായത്. വൈകിട്ട് അഞ്ച് മണിയോടെയാണ് അപകടം. അപകടത്തില്‍ ഓട്ടോയിലുണ്ടായിരുന്ന അഞ്ചു പേരും മരിച്ചു.. ഓട്ടോ ഡ്രൈവര്‍ അബ്‌ദുള്‍ മജീദ്, മുഹ്‌സിന, തെസ്‌നിമ, റൈസ, തെസ്ന‌ിമയുടെ മകള്‍ എന്നിവരാണ് മരിച്ചത്. കിഴക്കേതലയില്‍ നിന്ന് പുല്ലൂരിലേക്ക് പോകുകയായിരുന്ന ഓട്ടോയാണ് അപകടത്തില്‍ പെട്ടത്. ഇടിയുടെ ആഘാതത്തില്‍ ഓട്ടോറിക്ഷ പൂര്‍ണമായും തകര്‍ന്നു. സംഭവസ്ഥലത്ത് വച്ച്‌ തന്നെ അഞ്ചുപേരും മരിച്ചു. ഇവരെ മഞ്ചേരി മെഡിക്കല്‍ കോളേജ് ആശുപത്രിയിലേക്ക് മാറ്റി. നാട്ടുകാരെത്തിയാണ് രക്ഷാപ്രവര്‍ത്തനം നടത്തിയത്. അപകടത്തിന് കാരണമെന്തെന്ന് വ്യക്തമല്ല.
Advertisements
