പാമ്പാടി: ചേന്നംപള്ളിയില്‍ ശബരിമല തീർത്ഥാടകരുടെ വാഹനം അപകടത്തിൽപ്പെട്ട അതേ സ്ഥലത്ത് സ്വകാര്യബസും കാറും കൂട്ടിയിടിച്ച്‌ അഞ്ചുപേർക്ക് പരിക്ക്. തമ്ബലക്കാട് സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്.ഇന്നലെ ഉച്ചകഴിഞ്ഞ് 1.30നായിരുന്നു സംഭവം. കോട്ടയത്തുനിന്നു മുണ്ടക്കയത്തിനു പോയ മുബാറക് ബസും കോട്ടയത്തേക്കു വരുകയായിരുന്നു കാറും കൂട്ടിയിടിക്കുകയായിരുന്നു. പരിക്കേറ്റവരെ പാമ്ബാടി താലൂക്ക് ആശുപത്രിയില്‍ പ്രവേശിപ്പിച്ചു. പാമ്ബാടി എസ്‌ഐ സന്തോഷ് ഏബ്രഹാമിന്‍റെ നേതൃത്വത്തിലുള്ള പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. അപകടത്തെത്തുടർന്ന് ദേശീയപാതയില്‍ അല്പസമയം ഗതാഗത തടസമുണ്ടായി. കഴിഞ്ഞദിവസം ടോറസ്‌ ലോറിയും ശബരിമല തീർഥാടകർ സഞ്ചരിച്ചിരുന്ന കാറും കൂട്ടിയിടിച്ച്‌ അപകടമുണ്ടായ സ്ഥലത്തുതന്നെയാണ് ഇന്നലെ വീണ്ടും അപകടം നടന്നത്.
Advertisements
