സിജു വിത്സൻ നായകനാകുന്ന പുതിയ സിനിമയുടെ ചിത്രീകരണം വയനാട്ടിൽ ആരംഭിച്ചു. കിച്ചാപ്പൂസ് എന്റർടെയ്ൻമെന്റ്സിന്റെ ബാനറിൽ കെ ജി അനിൽകുമാർ നിർമ്മിക്കുന്ന ചിത്രം പി ജി പ്രേംലാൽ ആണ് സംവിധാനം ചെയ്യുന്നത്. പത്തൊമ്പതാം നൂറ്റാണ്ടിന് ശേഷം സിജു അഭിനയിക്കുന്ന പുതിയ ചിത്രമാണിത്.
‘തൊണ്ടിമുതലും ദൃക്സാക്ഷിയും ‘ എന്ന ചിത്രത്തിലൂടെ ശ്രദ്ധേയനായ സജീവ് പാഴൂർ ആണ് ചിത്രത്തിന്റെ തിരക്കഥയും സംഭാഷണവുമെഴുതുന്നത്. ഛായാഗ്രഹണം ആൽബി നിർവ്വഹിക്കുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പുതുമുഖം കൃഷ്ണേന്ദു എ മേനോൻ ചിത്രത്തിലെ ആണ് നായിക. നിഷ സാരംഗ്, ഹരീഷ് പേങ്ങൻ, സിബി തോമസ്, ജോളി ചിറയത്ത്, ലാലി മരക്കാർ തുടങ്ങിയവരും ചിത്രത്തിന്റെ ഭാഗമാണ്.
സംഗീതം- ഷാൻ റഹ്മാൻ, ഗാനരചന- റഫീഖ് അഹമ്മദ്, എഡിറ്റിംഗ്- കിരൺ ദാസ്. ടൈറ്റിൽ ലോഞ്ച് ഉടനെയുണ്ടാകുമെന്ന് അണിയറ പ്രവർത്തകർ അറിയിച്ചു. പി ആർ ഒ- എ എസ് ദിനേശ്.
സിജു വിത്സൻ നായകനായ വിനയന്റെ പത്തൊമ്പതാം നൂറ്റാണ്ട് ബോക്സ് ഓഫീസ് വിജയമായിരുന്നു. ആറാട്ടുപുഴ വേലായുധ പണിക്കർ എന്ന ചരിത്ര നായകൻ ആയിരുന്നു നടന്റെ കഥാപാത്രം.
