സ്പാം കോളുകൾ സ്വസ്ഥത നശിപ്പിക്കുന്നോ ? എങ്ങനെ സ്പാം കോളുകൾ തടയാം : അതിനായി ഈ വഴികൾ 

ന്യൂഡല്‍ഹി: സ്പാം കോളുകള്‍ വളരെ അരോചകമാണ്. ഇത് നമ്മുടെ സമയം മെനക്കെടുത്തുമെന്ന് മാത്രമല്ല പലപ്പോഴും പ്രകോപിതരാക്കുകയും ചെയ്യും.

ടെലി മാര്‍ക്കറ്റിംഗ്, ബോട്ട് കോള്‍, തുടങ്ങി ഇത്തര കോളുകള്‍ നിരവധിയാണ്. ഇവ ഒഴിവാക്കാനുള്ള വഴികള്‍ പരിശോധിക്കാം ഇവിടെ. 

തടയാന്‍ വഴി

അനാവശ്യ കോളുകള്‍ തടയുന്ന TRAIയുടെ നേതൃത്വത്തില്‍ പുതിയ സംവിധാനം ആരംഭിച്ചിട്ടുണ്ട്. ഇതാണ് നാഷണല്‍ കസ്റ്റമര്‍ പ്രിഫറന്‍സ് രജിസ്റ്റര്‍. ഇതിലൂടെ ഉപയോക്താവിന് ടെലിമാര്‍ക്കറ്റേഴ്‌സ് കോളുകളില്‍ നിന്ന് മുക്തി നേടാനാകും. ഡു നോട്ട് ഡിസ്റ്റര്‍ബ് അഥവാ ഡിഎന്‍ഡി എന്നാണ് ഇതിന്‍റെ പേര്. ഇതെങ്ങനെ ആക്ടിവേറ്റ് ചെയ്യാം എന്ന് പരിശോധിക്കാം

DND എങ്ങനെ സജീവമാക്കാം

ആദ്യം നിങ്ങളുടെ SMS ആപ്പിലേക്ക് പോകുക. . START എന്ന് ടൈപ്പ് ചെയ്‌ത് 1909 ലേക്ക് അയയ്‌ക്കുക. സന്ദേശം അയച്ചതിന് ശേഷം, നിങ്ങള്‍ക്ക് ഏത് വിഭാഗത്തില്‍ നിന്നുള്ളവയാണ് ഡിഎന്‍ഡിയില്‍ ചേര്‍ക്കേണ്ടതെന്ന ഒരു ലിസ്റ്റ് ലഭിക്കും. ഈ ലിസ്റ്റിനൊപ്പം കോഡുകളും ഉണ്ടായിരിക്കും. നിങ്ങള്‍ ബ്ലോക്ക് ചെയ്യാന്‍ ആഗ്രഹിക്കുന്ന കോഡ് ഉപയോഗിച്ച്‌ സന്ദേശത്തിന് മറുപടി നല്‍കണം.24 മണിക്കൂറിനുള്ളില്‍ നിങ്ങളുടെ ഫോണില്‍ DND സജീവമാകും.

ടെലികോം ഓപ്പറേറ്റര്‍ വഴി DND എങ്ങനെ

റിലയന്‍സ് ജിയോ: ഇതിനായി നിങ്ങള്‍ MyJio ആപ്പിലേക്ക് പോകണം. തുടര്‍ന്ന് സെറ്റിങ്ങ്സില്‍ പോവുക. Service Settings-ല്‍ Do not disturb എന്നതില്‍ ടാപ്പ് ചെയ്യുക. ഇതില്‍ നിങ്ങള്‍ ബ്ലോക്ക് ചെയ്യാന്‍ ആഗ്രഹിക്കുന്ന കോളുകളുടെയോ സന്ദേശങ്ങളുടെയോ വിഭാഗം തിരഞ്ഞെടുക്കേണ്ടതുണ്ട്.

എയര്‍ടെല്‍: ഇതിനായി നിങ്ങള്‍ ആദ്യം airtel.in/airtel-dnd എന്നതിലേക്ക് പോകണം. തുടര്‍ന്ന് നിങ്ങളുടെ മൊബൈല്‍ നമ്ബര്‍ നല്‍കണം. ഇതിന് ശേഷം നിങ്ങള്‍ക്ക് ഒരു OTP ലഭിക്കും. ഇതില്‍ നിങ്ങള്‍ ബ്ലോക്ക് ചെയ്യാന്‍ ആഗ്രഹിക്കുന്ന വിഭാഗങ്ങള്‍ തിരഞ്ഞെടുക്കണം.

VI: വിഐയില്‍ നിങ്ങള്‍ക്ക് ഡിഎന്‍ഡി ആക്ടിവേറ്റ് ചെയ്യാന്‍ നിങ്ങള്‍ Discover.vodafone.in/dnd സന്ദര്‍ശിക്കേണ്ടതുണ്ട്. തുടര്‍ന്ന് നിങ്ങളുടെ മൊബൈല്‍ നമ്ബര്‍, ഇമെയില്‍ വിലാസം, പേര് എന്നിവ നല്‍കണം. അപ്പോള്‍ നിങ്ങള്‍ തടയാന്‍ ആഗ്രഹിക്കുന്ന വിഭാഗം തിരഞ്ഞെടുക്കണം.

BSNL: ബിഎസ്‌എന്‍എല്ലില്‍ ഡിഎന്‍ഡി ചെയ്യാന്‍ നിങ്ങള്‍ start dnd എന്ന സന്ദേശം എഴുതി 1909 എന്ന നമ്ബറിലേക്ക് അയയ്ക്കണം. തുടര്‍ന്ന് നിങ്ങള്‍ തിരഞ്ഞെടുക്കേണ്ട ചില ഓപ്ഷനുകള്‍ നിങ്ങള്‍ക്ക് നല്‍കും. കോള്‍, എസ്‌എംഎസ് എന്നിവ തിരഞ്ഞെടുത്ത് നിങ്ങള്‍ക്ക് ഈ വിഭാഗങ്ങള്‍ ബ്ലോക്ക് ചെയ്യാം.

ഇതല്ലാതെയും ബ്ലോക്ക് ചെയ്യാം

Android ഫോണില്‍ കോള്‍ ടാബിലേക്ക് പോകാം. തുടര്‍ന്ന് കോണ്‍ടാക്റ്റ് സെലക്‌ട് ചെയ്യുക. തുടര്‍ന്ന് റിപ്പോര്‍ട്ട് ചെയ്ത് ബ്ലോക്ക് ചെയ്യുക. 

iPhone : ആദ്യം നിങ്ങള്‍ ഫോണ്‍ ആപ്പിലേക്ക് പോവുക. ഇതിനുശേഷം റീസെന്റിലേക്ക് പോകുക. തുടര്‍ന്ന് ‘i’ ഓപ്ഷനില്‍ ടാപ്പ് ചെയ്ത് ബ്ലോക്ക് ദിസ് കോളര്‍ ടാപ്പ് ചെയ്യുക.