ശ്രീ നാരായണപുരം ആദിത്യപുരം വിഷ്ണു ക്ഷേത്രത്തിലെ തിരുവുത്സവത്തിന് ഗുരുകുലം കുട്ടികളുടെ വിവിധ കലാ പരിപാടികൾ നടത്തി 

മീനടം :  ശ്രീ നാരായണപുരം ആദിത്യപുരം വിഷ്ണു ക്ഷേത്രത്തിലെ തിരുവുത്സവത്തിന്റെ മൂന്നാം ദിനത്തിൽ എസ് എൻ ഡി പി  യൂത്ത് മൂവ്മെന്റിന്റെ നേതൃത്വത്തിൽ ഗുരുകുലം കുട്ടികളുടെ വിവിധ കലാ പരിപാടികൾ നടത്തി.

ഗുരുകുലം അധ്യാപിക മാരായ സിന്ധു വി ശ്വൻ, തുളസി തങ്കച്ചൻ , മഞ്ജു വിജു,എന്നിവരെ ആദരിച്ചു. കഴിഞ്ഞ ഒരു വർഷകാലം ഏറ്റവും കൂടുതൽ ഗുരുകുലം ക്ലാസ്സുകളിൽ പങ്കെടുത്ത ദേവാശ് ജെ മുണ്ടി യാക്കാലന് പുരസ്‌കാരം നൽകി.

യൂത്ത് മൂവ്മെന്റ് ആക്ടിങ് പ്രസിഡന്റ് ഗോകുൽ കാട്ടുമറ്റം, സെക്രട്ടറി മഹേഷ് കല്ലുറുമ്പിൽ ,ആദർശ് കിളിരുതയിൽ, ജിദേവ് കുറുക്കുന്നേൽ,ശ്രീകാന്ത് മണ്ണൂർ എന്നിവർ പരിപാടിക്കു നേതൃത്വം നൽകി.