കേരള സ്റ്റേറ്റ് ഹയർ ഗുഡ്സ് ഓണേഴ്സ് അസോസിയേഷൻ കുമാരനല്ലൂർ മേഖലാ സമ്മേളനവും കുടുംബ സംഗമവും: ജൂലൈ ഒൻപതിനും പത്തിനും; വാഹന പ്രചാരണ ജാഥ ജൂലൈ ഒൻപതിന്

കോട്ടയം: കേരള സ്റ്റേറ്റ് ഹയർ ഗുഡ്സ് ഓണേഴ്സ് അസോസിയേഷൻ കുമാരനല്ലൂർ മേഖലാ സമ്മേളനവും കുടുംബ സംഗമവും ജൂലൈ ഒൻപതിനും പത്തിനും സംക്രാന്തി എ.കെ.ടി.എ ഭവനിൽ നടക്കും. ജൂലൈ ഒൻപതിനു ഉച്ചയ്ക്ക് 2.30 ന് കരിപ്പൂത്തട്ടിൽ നിന്നും ആരംഭിക്കുന്ന വാഹന പ്രചാരണ ജാഥ സംക്രാന്തിയിൽ സമാപിക്കും. സംസ്ഥാന വൈസ് പ്രസിഡന്റ് ജയചന്ദ്രൻ ചീരോത്ത് യോഗം ഉദ്ഘാടനം ചെയ്യും.

ജൂലൈ പത്തിന് രാവിലെ 10.30 ന് യൂണിറ്റ് വൈസ് പ്രസിഡന്റ് രാജേഷ് ദേവീശ്രീ പതാക ഉയർത്തും. 10.45 ന് നടക്കുന്ന സമ്മേളം സംസ്ഥാന ജനറൽ സെക്രട്ടറി ടി.വി ബാലൻ ഉദ്ഘാടനം ചെയ്യും. പ്രസിഡന്റ് റെജി സുവർണ യോഗത്തിൽ അധ്യക്ഷത വഹിക്കും. ട്രഷറർ അരുൺ ഫിലിപ്പ് കണക്ക് അവതരിപ്പിക്കും. ജോ.സെക്രട്ടറി ടി ആന്റ് ടി ഡെക്കറേഷൻ പി.ആർ ദിനേശൻ റിപ്പോർട്ട് അവതരിപ്പിക്കും.

കോട്ടയം എൻഫോഴ്സമെന്റ് ആർ.ടി.ഒ ജി.അനീഷ്‌കുമാർ യോഗത്തിൽ മുഖ്യപ്രഭാഷണം നടത്തും. കോട്ടയം ജില്ലാ പ്രസിഡന്റ് ഭാരത് ഹയറിംങിലെ ബാലകൃഷ്ണൻ , ജില്ലാ സെക്രട്ടറി ജോ്ൺ ജേക്കബ് (സാലി) എന്നിവർ ആശംസ അർപ്പിക്കും. സെക്രട്ടറി പ്രിൻസ് മരിസ്റ്റം സ്വാഗതവും, കൺവീനർ പി.ഡി ബിജോ നന്ദിയും പറയും.