വടകര എടച്ചേരിയിൽ പാറക്കുളത്തിൽ അപകടത്തിൽ പെട്ട വിദ്യാർത്ഥി മരിച്ചു; അപകടത്തിൽപ്പെട്ട മൂന്നു പേരിൽ രണ്ടു പേരെ രക്ഷിച്ചു

കോഴിക്കോട്: വടകര എടച്ചേരിയിൽ പാറക്കുളത്തിൽ മീൻ പിടിക്കുന്നതിനിടെ അപകടത്തിൽപ്പെട്ട മൂന്നു വിദ്യാർത്ഥികളിൽ രണ്ടു പേർ രക്ഷപ്പെട്ടു. കച്ചേരിയിലെ കുറുമാഞ്ഞിയിൽ സന്തോഷിന്റെ മകൻ ഇരിങ്ങണ്ണൂർ ഹൈസ്‌ക്കൂൾ ഒമ്പതാം ക്ലാസ് വിദ്യാർത്ഥിയായ അദ്വൈത് (14) ആണ് മരിച്ചത്.

വൈകുന്നേരമായിരുന്നു അപകടം. കുട്ടികളുടെ ബഹളം കേട്ട് ഓടിയെത്തിയ പ്രദേശവാസിയാണ് വെള്ളത്തിൽ നിന്നും രണ്ട് വിദ്യാർത്ഥികളെ രക്ഷിച്ചത്.