ചെന്നൈ : രാഷ്ട്രീയ പ്രവേശനം നടത്തുമെന്ന അഭ്യൂഹങ്ങൾക്കിടെ തമിഴ് നടൻ വിജയ് തമിഴ്നാട്ടിലുടനീളം പദയാത്ര നടത്തുമെന്ന് റിപ്പോർട്ട്. പുതിയ ചിത്രമായ ‘ലിയോ’ പുറത്തിറങ്ങുന്നതിനു മുമ്പാകും പദയാത്ര. ‘വിജയ് മക്കള് ഇയക്കം’ അംഗങ്ങളുമായി അദ്ദേഹം കൂടിക്കാഴ്ച നടത്തി.
Advertisements
എന്നാൽ, ഇക്കാര്യത്തിൽ ഔദ്യോഗിക സ്ഥിരീകരണമായിട്ടില്ല. സംസ്ഥാനത്തെ മുഴുവൻ നിയമസഭാ മണ്ഡലങ്ങളിലും എസ്‌എസ്‌എല്‍സി, പ്ലസ് ടു പരീക്ഷകളില്‍ ഉന്നതവിജയം നേടിയ വിദ്യാര്‍ഥികളെ കഴിഞ്ഞമാസം നടത്തിയ ചടങ്ങില്‍ വിജയ് ആദരിച്ചിരുന്നു. ഇനി സിനിമയിലേക്കില്ല എന്നും രാഷ്ട്രീയത്തിൽ ഇടപെടുമെന്നും താരം പറഞ്ഞതായി റിപ്പോർട്ടുകൾ പുറത്ത് വന്നിരുന്നു.
