തലയാഴം:വൈക്കം തലയാഴം പഞ്ചായത്ത് കുടുംബശ്രീ സിഡിഎസിൻ്റെ ആഭിമുഖ്യത്തിൽ കുടുംബശ്രീ അംഗങ്ങളുടേയും സ്വാശ്രയഗ്രൂപ്പുകളുടേയും കലാപരമായ കഴിവുകൾ വികസിപ്പിക്കാനായി സംഘടിപ്പിച്ച അരങ്ങ് ശ്രദ്ധേയമായി.
ഉല്ലല പി എസ് ശ്രീനിവാസൻ സ്മാരക സ്കൂളിൽ സംഘടിപ്പിച്ച വേദിയിൽ ലളിതഗാനം,നാടൻപാട്ട്, ഫ്യൂഷൻതിരുവാതിര, നാടോടിനൃത്തം, കവിതാപാരായണം,ചിത്ര രചന തുടങ്ങിയ ഇനങ്ങളിലായി 100 ഓളം വനിതകൾകലാവൈഭവം പ്രകടമാക്കി.മുതിർന്നവരുടെ കലാപ്രകടനത്തിനു ഊർജം പകരാൻ കുട്ടികളും നൃത്തം അവതരിപ്പിച്ചു.തലയാഴം പഞ്ചായത്ത് പ്രസിഡൻ്റ് രമേഷ് പി. ദാസ് കലാപരിപാടികളുടെ ഉദ്ഘാടനം നിർവഹിച്ചു സിഡിഎസ് ചെയർപേഴ്സൺ മരിയ ജുഡീത്ത അധ്യക്ഷത വഹിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മത്സരത്തിൽ പങ്കെടുത്തവർക്ക് പഞ്ചായത്ത് പ്രസിഡൻ്റ് രമേഷ് പി.ദാസ്, പഞ്ചായത്ത് അംഗങ്ങളായ എസ്. ദേവരാജൻ , കൊച്ചുറാണി എന്നിവർ ഉപഹാരങ്ങൾ നൽകി. പഞ്ചായത്ത് വൈസ് പ്രസിഡൻ്റ് ജെൽസിസോണി, ഷീജാ ബൈജു,റോസിബാബു, സി ഡി എസ് അംഗങ്ങളായ സന്ധ്യ പ്രസന്നൻ, പി.കെ.സ്മിത ,ലീനകുമാരി, സവിത ശ്രീനാഥ്, സിഡിഎസ് മെമ്പർ സെക്രട്ടറി കെ.ഷീജാമോൾ അക്കൗണ്ടൻ്റ് ജയശ്രീ തുടങ്ങിയവർ സംബന്ധിച്ചു.