തലയോലപ്പറമ്പ് വടകര നോർത്ത് ശാഖയിൽ ശ്രീനാരായണ ഗുരുദേവ സമാധി ദിനാചരണം നടത്തി

ഫോട്ടോ: വടകര നോർത്ത് എസ് എൻ ഡി പി ശാഖായിൽ നടന്ന 98-ാമത്
മഹാസമാധി സമ്മേളനവും വിദ്യാഭ്യാസ അവാർഡ് വിതരണവും തലയോലപ്പറമ്പ്
യൂണിയൻ പ്രസിഡൻ്റ് ഇ. ഡി.പ്രകാശൻ ഉദ്ഘാടനം ചെയ്യുന്നു. സാഹിത്യകാരൻ ആലങ്കോട് ലീലാകൃഷ്ണൻ സമീപം

തലയോലപ്പറമ്പ്:എസ് എൻ ഡി പി യോഗം കെ ആർ നാരായണൻ സ്മാരക തലയോലപ്പറമ്പ് യൂണിയനിലെ വടകര നോർത്ത് ശാഖയുടെ ആഭിമുഖ്യത്തിൽ 98-ാമത് മഹാസമാധിദിനാചാരണം നടത്തി.ശാഖായോഗം, വനിതാസംഘം,യൂത്ത് മൂവ്മെൻ്റ്,കുടുംബയൂണിറ്റ് എന്നിവയുടെ സംയുക്താഭിമുഖ്യത്തിൽ നടന്ന മഹാസമാധി സമ്മേളനവും വിദ്യാഭ്യാസ അവാർഡ് വിതരണവും തലയോലപ്പറമ്പ്
യൂണിയൻ പ്രസിഡൻ്റ് ഇ. ഡി.പ്രകാശൻ ഉദ്ഘാടനം ചെയ്തു.

ശാഖാ പ്രസിഡന്റ്‌ വി.വി.വേണപ്പൻ അധ്യക്ഷത വഹിച്ചു. സാഹിത്യകാരൻ ആലങ്കോട് ലീലാകൃഷ്ണൻ സമാധി സന്ദേശംനൽകി. ശാഖാ സെക്രട്ടറി ഡി.സജീവ് നിരപ്പത്ത്, വൈസ് പ്രസിഡന്റ്‌ എം.കെ. അനിൽകുമാർ,വനിതാ സംഘം വൈസ് പ്രസിഡന്റ്‌ വത്സലമോഹനൻ തുടങ്ങിയവർ പ്രസംഗിച്ചു.