താഴത്തങ്ങാടി: താഴത്തങ്ങാടി മുസ്ലിം ജമാഅത്തിന്റെ ആഭിമുഖ്യത്തിൽ നബിദിനാഘോഷങ്ങൾക്ക് പരിശുദ്ധ റബീഉൽ അവ്വലിനെ വരവേറ്റുകൊണ്ട് ജമാഅത്ത് പ്രസിഡന്റ് കെ.കെ മുഹമ്മദ് സാലി പാതാക ഉയർത്തി. “മുഹമ്മദ് നബി(സ) ജീവിതം, സമഗ്രം, സമ്പൂർണ്ണം ” എന്ന പ്രമേയത്തിൽ ഒരുമാസം നീണ്ടു നിൽക്കുന്ന നബിദിന കാമ്പയിന് തുടക്കമായി. ഇമാം ഉസ്താദ് സദഖത്തുല്ലാ അദനി കമ്പയിനിന്റെ ഉദ്ഘാടനം നിർവഹിച്ചു.പ്രവാചകൻ മുഹമ്മദ് നബി (സ) യുടെ ജന്മദിന ആഘോഷത്തിന്റെ പ്രാധാന്യം വ്യക്തമാക്കിയ ഇമാം പ്രവാചകചര്യകൾ നാം മുറുകെ പിടിക്കണം എന്നും ആഹ്വാനം ചെയ്തു. ഇമാം ജുബൈർ അദനി പ്രമേയ പ്രഭാഷണം നടത്തി.ജനറൽ സെക്രട്ടറി അബ്ദുൾ നാസർ സ്വാഗതം ആശംസിച്ചു.ഇസ്ലാഹിയ മദ്രസ വിദ്യാർത്ഥികൾ മദ്ഹ് ഗാനം ആലപിച്ചു. കാമ്പയിന്റെ ഭാഗമായി പതാക ഉയർത്തൽ, മൗലിദ് പാരായണം,മദ്രസ വിദ്യാർഥികളുടെ കലാമത്സരം, ദഫ് പ്രദർശനം, സ്കൗട്ട്,വിദ്യാര്‍ഥികളുടെ ഘോഷയാത്ര, സുബഹി നമസ്കാരാനന്തരം നടക്കുന്ന പ്രവാചക തിരുസുന്നത്തുകളുടെ സമഗ്ര പഠന വേദി തസ്കിയത്ത് സംഗമം,ഹുബ്ബുൽ റസൂൽ പ്രഭാഷണം,ഓൺലൈൻ ക്വിസ് പ്രോഗ്രാം,പൊതുസമ്മേളനം തുടങ്ങി വ്യത്യസ്ത പരിപാടികൾ ആവിഷ്കരിച്ചു..!!
