തിരുവല്ല :
അമ്പലപ്പുഴ – തിരുവല്ല സംസ്ഥാന പാതയിൽ കച്ചേരിപ്പടിയ്ക്കു സമീപമുള്ള ലിയാൻസ് മാർജിൻ ഫ്രീ ഷോപ്പിനു മുൻപിൽ വെച്ച് ആഢംബരക്കാർ നിയന്ത്രണം വിട്ട് 2 കാറിലും 3 ബൈക്കിലും ഇടിച്ച് രണ്ട് പേർക്ക് പരിക്കേറ്റു. കാറിലുണ്ടായിരുന്ന രണ്ട് പേരിൽ ഒരാളുടെ കാലിനും മറ്റൊരാളുടെ തലയ്ക്കുമാണ് പരിക്കേറ്റത്. ഇവരെ തിരുവല്ലായിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ വൈകുന്നേരം 4 മണിയോടെയായിരുന്നു അപകടം നടന്നത്.
കുരിശുകവല ഭാഗത്ത് നിന്നും
കാവുംഭാഗം ദിശയിലേക്ക് പോയ കാര്‍ അമിത വേഗമൂലം നിയന്ത്രണം വിട്ട്
ആദ്യം മറ്റൊരുകാറില്‍ ഇടിച്ചു. തുടര്‍ന്ന് രണ്ട് ബൈക്കുകളിലും വേറൊരു കാറിലും ഇടിച്ചു.
സൂപ്പർമാർക്കറ്റിൻ്റെ വശത്ത് പാർക്ക് ചെയ്തിരുന്ന വാഹനങ്ങളിൽ ഇടിക്കുകയും ഇടിയുടെ ആഘാതത്തിൽ സമീപത്ത് പാർക്ക് ചെയ്യ്തിരുന്ന വാഹനങ്ങൾക്ക് കേടുപാടുകൾ പറ്റി.
പെരിങ്ങര സ്വദേശിയാണ് അപകടത്തിനിടയാക്കിയ വാഹനം ഓടിച്ചിരുന്നത്. ഇയാൾ മദ്യപിച്ചതായി നാട്ടുകാർ പറഞ്ഞു.
അപകടത്തെ തുടർന്ന് അമ്പലപ്പുഴ – തിരുവല്ല റോഡിൽ ഒരു മണിക്കൂറോളം വാഹന ഗതാഗതം ഭാഗികമായി തടസപ്പെട്ടു. പോലീസും ഫയർഫോഴ്സും നാട്ടുകാരും കൂടി വാഹന ഗതാഗതം പുന:സ്ഥാപിച്ചു.
