തിരുവല്ല: പരാതി നൽകിയ വിരോധത്തിൽ യുവതിയെ കയറിപ്പിടിച്ച സംഭവത്തിൽ യുവാവിനെ പൊലീസ് അറസ്റ്റ് ചെയ്തു. വള്ളംകുളം പന്നാമുറിയിൽ വീട്ടിൽ വിഷ്ണു (വിക്കി 24) ആണ് പിടിയിലായത്. ടി.കെ.റോഡിലെ നെല്ലാട് പാടത്തുംപാലത്ത് ചൊവ്വാഴ്ച രാത്രി എട്ടരയോടെ ആയിരുന്നു സംഭവം.
Advertisements
തിരുവല്ലയിലെ സ്വകാര്യ സ്ഥാപനത്തിൽ ജോലി കഴിഞ്ഞ് സ്‌കൂട്ടറിൽ വീട്ടിലേക്ക് മടങ്ങുകയായിരുന്ന യുവതിയുടെ സ്‌കൂട്ടർ തടഞ്ഞുനിറുത്തിയ വിഷ്ണു അസഭ്യം പറഞ്ഞശേഷം കടന്നുപിടിക്കുകയും ചുരിദാർ വലിച്ചുകീറുകയും ചെയ്തെന്നാണ് പരാതി. യുവതി ബഹളം വച്ചതോടെ സമീപവാസികൾ ഓടിക്കൂടി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതുകണ്ട് സംഭവ സ്ഥലത്ത് നിന്ന് രക്ഷപ്പെട്ട വിഷ്ണുവിനെ യുവതി നൽകിയ പരാതിയിൽ വീടിന് സമീപത്ത് നിന്നുമാണ് പൊലീസ് അറസ്റ്റ് ചെയ്തത്.ശല്യക്കാരനായ ഇയാൾക്കെതിരെ യുവതി മുമ്ബ് തിരുവല്ല പൊലീസിൽ പരാതി നൽകിയിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
