തിരുവല്ല : കുറ്റൂർ വെൺപാലയിൽ വീടിനുള്ളിൽ വിമുക്ത ഭടനെ മരിച്ച നിലയിൽ കണ്ടെത്തി. നല്ലൂർസ്ഥാനം വീട്ടിൽ വാടകയ്ക്കു താമസിക്കുന്ന
ചെങ്ങന്നൂർ തിരുവൻവണ്ടൂർ വനവാതുക്കര അമ്പലപ്പാട്ടു വീട്ടിൽ ഗോപാലകൃഷ്ണപിള്ള മകൻ നന്ദകുമാറിനെയാണ് (55) വീട്ടിൽ മരിച്ച നിലയിൽ കണ്ടെത്തിയത്. എക്സ് സർവ്വീസുകാരനായ നന്ദകുമാർ പലവിധ അസുഖങ്ങൾ ഉള്ള ആളാണ്. ഭാര്യയുമൊത്ത് താമസിക്കുന്ന ഇദ്ദേഹം ഉച്ചയ്ക്ക് ശേഷം ഉറങ്ങാൻ കിടന്നതാണ് . പിന്നീട് വൈകുന്നേരത്തോടെ മുറിയിൽ മരിച്ച നിലയിൽ കണ്ടെത്തുകയായിരുന്നു. തിരുവല്ല പോലീസ് മേൽ നടപടികൾ സ്വീകരിച്ചു. മൃതദ്ദേഹം മോർച്ചറിയിലേക്ക് മാറ്റി. ഇദ്ദേഹം മുൻപ് മാനസികാവസ്ഥയും പ്രകടിപ്പിച്ചതിന് ചികിത്സ തേടിയിരുന്ന ആളാണെന്ന് നാട്ടുകാർ പറഞ്ഞു.
Advertisements
