തിരുവല്ല : കവിയൂർ മനയ്ക്കച്ചിറയിൽ നിയന്ത്രണം വിട്ട കാർ മതിലിൽ ഇടിച്ച് മറിഞ്ഞു. കാറിലുണ്ടായിരുന്ന 2 പേർക്ക് പരുക്കേറ്റു. ഇന്നലെ ഉച്ചയോടെ ആയിരുന്നു അപകടം നടന്നത്. തലകീഴായി മറിഞ്ഞ കാറിൽ നിന്നു പെട്രോൾ ഒഴുകിയതുമൂലം നാട്ടുകാർ പരിഭ്രാന്തിയിൽ ആയി. ഉടൻ തന്നെ നാട്ടുകാർ
അഗ്നിശമനസേനയെ വിവരം അറിയിച്ചു. അഗ്നിശമനസേനയെത്തി കാർ നേരെയാക്കുകയും റോഡിലെ പെട്രോൾ കഴുകിക്കളയുകയും ചെയ്തതു മൂലം വലിയ അപകടം ഒഴിവായി.
Advertisements
പത്തനംതിട്ട ഭാഗത്തു നിന്നും ചുമത്രയിലെ സ്വകാര്യ ആശുപത്രിയിലേക്കു പോകുകയായിരുന്ന കാറാണ്
അപകടത്തിൽപ്പെട്ടത്.
ഫഹദ്, ശിൽപ എന്നിവരാണ് കാറിലുണ്ടായിരുന്നത്. ഇവരെ പ്രഥമശുശ്രൂഷ നൽകി ആശുപത്രിയിൽ നിന്നും വിട്ടയച്ചു.
