തിരുവല്ല : തിരുവല്ലയിലെ മേപ്രാലിൽ സ്വന്തം വീടിനു മുന്നിലെ റോഡിൽ കഴുത്തിൽ മുറിവേറ്റ നിലയിൽ കണ്ടെത്തിയ സംഭവത്തിൽ ഇൻക്വസ്റ്റ് നടപടികൾ പൂർത്തിയാക്കി പൊലീസ് . മേപ്രാൽ വളഞ്ചേരിൽ വീട്ടിൽ വി സി പത്രോസിനെ(70) യാണ് ബുധനാഴ്ച പുലർച്ചെ ആറരയോടെ മരിച്ച നിലയിൽ കണ്ടെത്തിയത്. കാരക്കൽ – മേപ്രാൽ റോഡിലെ ഷാപ്പ് പടിക്ക് സമീപമാണ് മൃതദേഹം കിടന്നിരുന്നത്.
Advertisements
മൃതദേഹത്തിന് അടുത്തു നിന്നും കറിക്കത്തിയും ലഭിച്ചിരുന്നു. തിരുവല്ല ഡിവൈഎസ്പി അർഷാദ്, തിരുവല്ല സിഐ സുനിൽകുമാർ എന്നിവരുടെ നേതൃത്വത്തിൽ വൻ പോലീസ് സംഘം സ്ഥലത്തെത്തി തുടർ നടപടികൾ സ്വീകരിച്ചു. ഫോറൻസിക് വിഭാഗവും ഡോഗ് സ്ക്വാഡും പരിശോധന നടത്തി. ഇൻക്വസ്റ്റ് പൂർത്തിയാക്കിയ ശേഷം മൃതദേഹം കോട്ടയം മെഡിക്കൽ കോളേജിലേക്ക് മാറ്റി.
ഭാര്യ: വിജയമ്മ ( പരേത )
മക്കൾ : അനിൽ, അനിത, അനീഷ്
മരുമക്കൾ : ബിജി, ജോൺസൺ.
