കോട്ടയം: ജനകീയ വിഷയങ്ങളിൽ സജീവമായി ഇടപെട്ടും, ഉത്സവാഘോഷങ്ങളിൽ സജീവമായും പ്രചാരണ രംഗത്ത് സജീവമായി എൽഡിഎഫ് സ്ഥാനാർത്ഥി തോമസ് ചാഴിക്കാടൻ. രാവിലെ പാലായിൽ നിന്നാണ് ഇന്ന് എൽഡിഎഫ് സ്ഥാനാർത്ഥി തോമസ് ചാഴിക്കാടൻ പ്രചാരണം ആരംഭിച്ചത്. പാലായിൽ ചെറിയ ചടങ്ങുകളിൽ പങ്കെടുത്ത സ്ഥാനാർത്ഥി സാധാരണക്കാരായ ജനങ്ങൾ പങ്കുവച്ച ജനകീയ പ്രശ്‌നങ്ങൾ കേൾക്കുന്നതിനും പരിഹാരം കാണുന്നതിനും സമയം കണ്ടെത്തി. തുടർന്ന്, പാലായിലെ വിവിധ പരിപാടികളിലും സ്ഥാനാർത്ഥി തോമസ് ചാഴിക്കാടൻ എം.പി പങ്കെടുത്തു. തുടർന്ന്, കിടങ്ങൂർ സുബ്രഹ്മണ്യ സ്വാമിക്ഷേത്രത്തിലെ കാവടി മഹോത്സവത്തിൽ സ്ഥാനാർത്ഥി പങ്കെടുത്തു.
കിടങ്ങൂർ സുബ്രഹ്മണ്യ സ്വാമിക്ഷേത്രത്തിലേയ്ക്കു നടന്ന കാവടി ഘോഷയാത്രയിൽ കിടങ്ങൂർ കട്ടച്ചിറ മുതൽ കിടങ്ങൂർ ക്ഷേത്രം വരെയുള്ള സ്ഥലത്തെ പ്രചാരണ പരിപാടികളിലാണ് സ്ഥാനാർത്ഥി പങ്കെടുത്തത്. പിന്നീട്, നിയോജക മണ്ഡലത്തിലെ വിവിധ പരിപാടികളിലും സ്ഥാനാർത്ഥി നേരിട്ട് പങ്കെടുത്തു. പാർട്ടി പ്രവർത്തകരെ നേരിട്ട് കാണാനും പ്രചാരണ പ്രവർത്തനങ്ങൾ വിലയിരുത്താനും എൽഡിഎഫ് സ്ഥാനാർത്ഥി കൂടുതൽ സമയം ചിലവഴിച്ചു. തിരഞ്ഞെുപ്പു പ്രഖ്യാപനം വരും മുൻപ് തന്നെ സ്ഥാനാർത്ഥിയെ പ്രഖ്യാപിച്ചതോടെ കൂടുതൽ സ്ഥലങ്ങളിൽ നേരിട്ടെത്തി പ്രചാരണത്തിൽ സജീവമാകുയാണ് എൽഡിഎഫ് സ്ഥാനാർത്ഥി തോമസ് ചാഴിക്കാടൻ.
