തലയോലപ്പറമ്പ് : സിപി എം തലയോലപ്പറമ്പ് ഏരിയ സമ്മേളനത്തിന്റെ പ്രതിനിധി സമ്മേളനം സീതാറാം യെച്ചൂരി നഗറിൽ ( പാലസ് കൺവെൻഷൻ സെന്റർ തലയോലപ്പറമ്പ് ) ഇന്ന് ആരംഭിക്കും. രാവിലെ 9 മണിക്ക് രക്തസാക്ഷി വടയാർ തങ്കപ്പന്റെ ബലികുടീരത്തിൽ നിന്നും അഡ്വ എൻ ചന്ദ്രബാബുവിന്റെ നേതൃത്വത്തിൽ ദീപശിഖാ പ്രയാണം പുറപ്പെട്ട് പ്രതിനിധി സമ്മേളന നഗറിൽ ദീപശിഖ കൊളുത്തും. രക്തസാക്ഷി മണ്ഡപത്തിൽ പുഷ്പാർച്ചനയ്ക്ക് ശേഷം സിപിഎം ജില്ലാ സെക്രട്ടറിയേറ്റ് അംഗം ടി ആർ രഘുനാഥൻ പ്രതിനിധി സമ്മേളനം ഉദ്ഘാടനം ചെയ്യും. ജില്ലാ സെക്രട്ടറി എ വി റസൽ, സംസ്ഥാന കമ്മിറ്റിയംഗം അഡ്വ കെ അനിൽകുമാർ, ജില്ലാ സെക്രട്ടറിയേറ്റ് അംഗങ്ങളായ അഡ്വ പി കെ ഹരികുമാർ,സി ജെ ജോസഫ്, അഡ്വ റെജി സക്കറിയ, ലാലിച്ചൻ ജോർജ്, കെ എം രാധാകൃഷ്ണൻ, കൃഷ്ണകുമാരി രാജശേഖരൻ,ജില്ലാ കമ്മിറ്റി അംഗം എം പി ജയപ്രകാശ് എന്നിവർ പങ്കെടുക്കും. 21 ഏരിയ കമ്മിറ്റി അംഗങ്ങളടക്കം 166 പ്രതിനിധികൾ പങ്കെടുക്കും. പ്രതിനിധി സമ്മേളനം വെള്ളിയാഴ്ചയും തുടരും. ശനിയാഴ്ച കോടിയേരി ബാലകൃഷ്ണൻ നഗറിൽ ( തലയോലപ്പറമ്പ് പ്രൈവറ്റ് ബസ് സ്റ്റാൻഡ് ഗ്രൗണ്ട്) നടക്കുന്ന പൊതുസമ്മേളനം സിപിഎം കേന്ദ്ര കമ്മിറ്റി അംഗം ടി എം തോമസ് ഐസക്ക് ഉദ്ഘാടനം ചെയ്യും.
