ഗ്യാസ് മൂലം വയര്‍ വീര്‍ത്തുവരാതിരിക്കാൻ അമിതമായി ഭക്ഷണം കഴിക്കാതിരിക്കുക. ചെറിയ അളവില്‍, ക്യതമായ ഇടവേളയെടുത്ത് മാത്രം ഭക്ഷണം കഴിക്കുക. അതുപോലെ ഭക്ഷണം ചവച്ചരച്ച്‌ തന്നെ കഴിക്കുക. ഇഞ്ചി ചായ ആണ് ആദ്യമായി ഈ പട്ടികയില്‍ ഉള്‍പ്പെടുന്നത്. ദഹനത്തിന് സഹായിക്കുന്ന എൻസൈമുകള്‍ ഇഞ്ചിയില്‍ അടങ്ങിയിരിക്കുന്നു. ഇഞ്ചിയില്‍ അടങ്ങിയിരിക്കുന്ന ജിഞ്ചറോളാണ് ഇതിന് സഹായിക്കുന്നത്. ഇഞ്ചി ഡയറ്റില്‍ ഉള്‍പ്പെടുത്തുന്നത് വയര്‍ വീര്‍ക്കുന്നത് തടയാനും ദഹനം മെച്ചപ്പെടുത്താനും സഹായിക്കും.
ജീരകം ആണ് രണ്ടാമതായി ഈ പട്ടികയില്‍ ഉള്‍പ്പെടുന്നത്. ധാരാളം ആന്റി ഓക്സിഡന്റുകള്‍ അടങ്ങിയിട്ടുള്ള ഇവ ദഹനം എളുപ്പമാക്കാനും ഗ്യാസ്ട്രബിള്‍ പോലെയുള്ള പ്രശ്നങ്ങളെ തടയാനും സഹായിക്കും. പുതിനയില ആണ് അടുത്തതായി ഈ പട്ടികയില്‍ ഉള്‍പ്പെടുന്നത്. ഇവയും ദഹനത്തെ മെച്ചപ്പെടുത്തും. ഗ്യാസ് മൂലം വയർ വീര്‍ത്തുവരാതിരിക്കാൻ ഡയറ്റില്‍ ഇവ ഉള്‍പ്പെടുത്താം. ദഹന പ്രശ്നങ്ങള്‍ ശമിപ്പിക്കാൻ സഹായിക്കുന്നതിന് പെപ്പര്‍മിന്‍റും സഹായിക്കും. നേന്ത്രപ്പഴം ആണ് അവസാനമായി ഈ പട്ടികയില്‍ ഉള്‍പ്പെടുന്നത്. ഫൈബര്‍, പൊട്ടാസ്യം തുടങ്ങിയവ ധാരാളം അടങ്ങിയ നേന്ത്രപ്പഴം കഴിക്കുന്നതും ദഹനം മെച്ചപ്പെടുത്താനും ഗ്യാസ് മൂലം വയർ വീര്‍ത്തുവരാതിരിക്കാനും സഹായിക്കും.
