തിരുവല്ല : വിദ്യാർത്ഥികൾക്ക് അടക്കം കഞ്ചാവ് എത്തിച്ചു നൽകിയിരുന്ന രണ്ട് യുവാക്കൾ നിരണത്ത് നിന്നും പുളിക്കീഴ് പോലീസിന്റെ പിടിയിലായി. ആലപ്പുഴ ചെറുതന പുളിമൂട്ടിൽ വീട്ടിൽ മുഹമ്മദ് അൽ അമാനി, ചെറുതന തൗഫീഖ് മൻസിലിൽ ലബീബ് എന്നിവരാണ് പിടിയിലായത് . പൊതികളിലാക്കി സൂക്ഷിച്ചിരുന്ന 20 ഗ്രാം കഞ്ചാവും ഇവർ സഞ്ചരിച്ചിരുന്ന ഇരുചക്ര വാഹനവും പോലീസ് പിടിച്ചെടുത്തു. വിദ്യാർത്ഥികൾക്കടക്കം ചെറു പൊതികളിലാക്കി കഞ്ചാവ് വില്പന നടത്തുന്ന സംഘത്തിലെ കണ്ണികളാണ് ഇവരെന്ന് പോലീസ് പറഞ്ഞു. എസ്ഐ ജെ ഷെജിം, എഎസ് ഐ എസ്. അനിൽ, സിപിഒ മാരായ അനൂപ് അജയൻ എന്നിവർ അടങ്ങുന്ന സംഘമാണ് പ്രതികളെ പിടികൂടിയത്.
Advertisements
