തിരുവനന്തപുരം: തിരുവനന്തപുരത്തു നിന്നും കോട്ടയത്തേയ്ക്കു വരികയായിരുന്ന കെഎസ്ആർടിസി ബസ് മറ്റൊരു ബസുമായി കൂട്ടിയിടിച്ച് അൻപത് യാത്രക്കാർക്ക് പരിക്ക്. തിരുവനന്തപുരത്തു നിന്നും കോട്ടയത്തേയ്ക്കു വരികയായിരുന്ന കെഎസ്ആർടിസി ബസ് പുനലൂരിൽ നിന്നും തിരുവനന്തപുരത്തേയ്ക്കു പോകുകയായിരുന്ന മറ്റൊരു കെഎസ്ആർടിസി ബസുമായി കൂട്ടിയിടിക്കുകയായിരുന്നു. നേർക്കുനേർ ബസുകൾ കൂട്ടിയിടിച്ചെങ്കിലും അമിത വേഗത്തിലല്ലായിരുന്നതിനാൽ വൻ അപകടം ഒഴിവായി. തിരുവനന്തപുരം വട്ടപ്പാറ മരുതൂറിലാണ് കെ എസ് ആർ ടി സി ബസുകൾ തമ്മിൽ കൂട്ടിയിടിച്ചത്. പരിക്കേറ്റവരെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു.
Advertisements
