ഉഴവൂർ വിജയൻ സ്മാരക പുരസ്കാരം ശ്രീ ജോണി ലൂക്കോസിന്*29 ചൊവ്വാഴ്ച സമ്മാനിക്കും

കോട്ടയം: 2025ലെ ഉഴവൂർ വിജയൻ സ്മാരക പുരസ്കാരം പ്രശസ്ത ദൃശ്യമാധ്യമപ്രവർത്തകൻ ജോണി ലൂക്കോസിനു ജൂലൈ 29 ചൊവാഴ്ച സമ്മാനിക്കുമെന്ന് ഉഴവൂർ വിജയൻ സ്മാരക പുരസ്കാര സമിതി
ഭാരവാഹികളായ
അഡ്വ.കെ. ആർ. രാജൻ ,
സുഭാഷ് പുഞ്ചക്കോട്ടിൽ,
ബെന്നി മൈലാടൂർ , ബാബു കപ്പക്കാല എന്നിവർ അറിയിച്ചു.

ഉഴവൂർ വിജയൻ്റെ ചരമ വാർഷിക ദിനമായ ജൂലൈ 23 – ന് നിശ്ചയിച്ചിരുന്ന അവാർഡ് ദാന ചടങ്ങ് മുൻ മുഖ്യമന്ത്രി വി.എസ്.അച്ചുതാനന്ദൻ്റെ നിര്യാണത്തെ ത്തുടർന്ന് മാറ്റി വയ്ക്കുകയായിരുന്നു.

പ്രശസ്ത സാഹിത്യകാരൻ പെരുമ്പടവം ശ്രീധരൻ,ഗാന്ധിജി സർവ്വകലാശാലാ മുൻ വൈസ് ചാൻസലർ ഡോ: ബാബു സെബാസ്റ്റ്യൻ, പ്രശസ്ത സാഹിത്യകാരി മ്യൂസ് മേരി ജോർജ്ജ് എന്നിവരുൾപ്പെട്ട ജൂറിയാണ് പുരസ്കാര ജേതാവിനെ തെരഞ്ഞെടുത്തത്.
25001 രൂപയും, പ്രശസ്തി പത്രവും, പ്രശസ്ത ശില്പി രൂപകല്പന ചെയ്ത ശില്പവുമാണ് അവാർഡ്’.

ജൂലൈ 29 ചൊവാഴ്ച രാവിലെ 10.00ന് കോട്ടയം പ്രസ്സ് ക്ലബ് ഓഡിറ്റോറിയത്തിൽ എൻ.സി.പി. (എസ്) ജില്ലാ പ്രസിഡൻ്റ് ബെന്നി മൈലാടൂരിൻ്റെ അധ്യക്ഷതയിൽ ചേരുന്ന അനുസ്മരണ സമ്മേളനം എൻസിപി (എസ്) സംസ്ഥാന പ്രസിഡണ്ട് തോമസ് കെ തോമസ് എം.എൽ.എ. ഉദ്ഘാടനം ചെയ്യും. സംസ്ഥാന വനം-വന്യജീവി വകുപ്പ് മന്ത്രി എ .കെ .ശശീന്ദ്രൻ, ഉഴവൂർ വിജയൻ സ്മാരക പുരസ്കാരം ജോണി ലൂക്കോസിന് സമ്മാനിക്കും. സംസ്ഥാന സഹകരണ -തുറമുഖ -ദേവസ്വം വകുപ്പ് മന്ത്രി വി എൻ വാസവൻ മുഖ്യ അനുസ്മരണ പ്രഭാഷണം നടത്തുന്നതാണ്. തിരുവഞ്ചൂർ രാധാകൃഷ്ണൻ എം. എൽ. എ. , അഡ്വ. വി.ബി. ബിനു,
സണ്ണി തോമസ്സ്, ഫ്രാൻസിസ് തോമസ് എന്നിവർ ഉഴവൂർ വിജയൻ അനുസ്മരണ പ്രഭാഷണവും ശ്രീ ജോണി ലൂക്കോസ് മറുപടി പ്രസംഗവും നടത്തും.
എൻ.സി.പി സംസ്ഥാന ജനറൽ സെക്രട്ടറി അഡ്വ. കെ.ആർ. രാജൻ പുരസ്കാര ജേതാവിനെ പരിചയ പ്പെടുത്തും.
എൻ.സി. പി. (എസ്)സംസ്ഥാന നേതാക്കളായ
ശ്രീമതി ലതിക സുഭാഷ്,
സുഭാഷ് പുഞ്ചക്കോട്ടിൽ, വി.ടി. ബേബി,
എസ്.ഡി. സുരേഷ് ബാബു, കാണക്കാരി അരവിന്ദാക്ഷൻ ,എന്നിവർ പ്രസംഗിക്കും.