വൈക്കം : വെച്ചൂർ എൻ എസ് എസ് ഹൈസ്കൂളിൽ വൈക്കം ബ്ലോക്ക്‌ പഞ്ചായത്തിന്റെ അക്ഷര ജ്വാല പദ്ധതിക്ക് ആവേശകരമായ തുടക്കം. വൈക്കം ബ്ലോക്ക്‌ പഞ്ചായത്തിന്റെ നൂതന പദ്ധതിയാണ് അക്ഷര ജ്വാല -വായനക്കളരി. വൈക്കത്തെ 15സ്കൂളിലാണ് പദ്ധതി നടപ്പിലാക്കുന്നത്.
കുട്ടികളിൽ വായന ശീലം വളർത്തുകയാണ് പദ്ധതിയുടെ ലക്ഷ്യം. സ്കൂളിൽ വായന ക്കളരി രൂപീകരിച്ച് വായനാ മത്സരങ്ങൾ സംഘടിപ്പിക്കുക, പ്രശ്നോത്തരി, ഉപന്യാസ, നിരൂപണ മത്സരങ്ങൾ, കഥ, കവിത രചന മത്സരങ്ങൾ, കവിതാ പാരായണം തുടങ്ങിയ വിവിധങ്ങളായ പരിപാടികൾ പദ്ധതിയുടെ ഭാഗമായി സംഘടിപ്പിക്കും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സ്കൂളിൽ നടന്ന പരിപാടി ബ്ലോക്ക്‌ പഞ്ചായത്ത്‌ പ്രസിഡന്റ്‌ അഡ്വ കെ കെ രഞ്ജിത് ഉദ്ഘാടനം ചെയ്തു. പി ടി എ പ്രസിഡന്റ്‌ ഇന്ദു രാജൻ അധ്യക്ഷയായി. തലയാഴം പഞ്ചായത്ത്‌ പ്രസിഡന്റ്‌ ബി എൽ സെബാസ്റ്റ്യൻ, ബ്ലോക്ക്‌ പഞ്ചായത്ത്‌ അംഗം സുജാത മധു, പഞ്ചായത്ത്‌ അംഗങ്ങളായ എസ് ദേവരാജൻ,മധു, കൊച്ചുറാണി, പ്രഥമ അധ്യാപിക കെ പി ജയശ്രീ,രാജേഷ് സി ജീ എന്നിവർ സംസാരിച്ചു.
