വൈക്കം: വൈക്കം വൈപ്പിന്‍പടി-ടിവി പുരം റോഡിൻ്റെ ഉദ്ഘാടനം പൊതുമരാമത്ത്‌ വകുപ്പ് മന്ത്രി പി.എ.മുഹമ്മദ് റിയാസ് നിര്‍വഹിച്ചു. ടി വി പുരത്ത് നടന്ന ഉദ്ഘാടന സമ്മേളനത്തിൽ സി.കെ. ആശ എംഎല്‍എ അധ്യക്ഷത വഹിച്ചു. സംസ്ഥാന സര്‍ക്കാരിന്റെ 10 കോടി രൂപ വിനിയോഗിച്ചാണ് 7.9 കിലോമീറ്റര്‍ ദൂരത്തില്‍ ടിവിപുരം പഞ്ചായത്തിനെയും വൈക്കം നഗരസഭയെയും തമ്മില്‍ ബന്ധിപ്പിക്കുന്ന വൈപ്പിന്‍പടി-ടിവിപുരം റോഡ് ആധുനിക നിലവാരത്തിലാണ് നവീകരിച്ചിരിക്കുന്നത്.ജില്ലാ പഞ്ചായത്ത് പ്രസിഡന്റ് കെ.വി.ബിന്ദു മുഖ്യാതിഥിയായി.
പൊതുമരാമത്ത്‌ വകുപ്പ് നിരത്ത് വിഭാഗം എക്സിക്യുട്ടീവ് എഞ്ചിനീയര്‍ കെ.ജോസ് രാജന്‍ റിപ്പോര്‍ട്ട് അവതരിപ്പിച്ചു. വൈക്കം ബ്ലോക്ക് പഞ്ചായത്ത് പ്രസിഡന്റ് എസ്. ബിജു, വൈക്കം നഗരസഭ ചെയര്‍പേഴ്സണ്‍ പ്രീത രാജേഷ്, ടിവിപുരം പഞ്ചായത്ത് പ്രസിഡന്റ് ശ്രീജിഷാജി, ജില്ലാ പഞ്ചായത്ത് അംഗം ഹൈമിബോബി, നഗരസഭ വൈസ് ചെയര്‍മാന്‍ പി.ടി. സുഭാഷ്, ടിവിപുരം പഞ്ചായത്ത് വൈസ് പ്രസിഡന്റ് വി.കെ. ശ്രീകുമാര്‍,എം.കെ.റാണിമോള്‍, അഡ്വ.കെ.കെ. രഞ്ജിത്ത്, പി. ശശിധരന്‍, എം.ഡി. ബാബുരാജ്, പി.ഡി. ഉണ്ണി,ടെല്‍സണ്‍ തോമസ്, പോള്‍സണ്‍ ജോസഫ്, എം.എസ്. രാമചന്ദ്രന്‍, ഇ.എന്‍. സാലിമോന്‍ എന്നിവര്‍ പ്രസംഗിച്ചു.