വൈക്കം : നിയന്ത്രണം വിട്ട ബൈക്ക് കായലിൽ മുങ്ങിത്താണു. ബൈക്കിനൊപ്പം കായലിലേക്ക് താണുപോയ യുവാവിനെ കായലിൽ ചാടി നാട്ടുകാർ രക്ഷപ്പെടുത്തി. വൈക്കം ജങ്കാർ ജെട്ടിക്ക് സമീപം ബൈക്കുമായി കായലിൽ വീണ ആറാട്ടുകുളങ്ങര സ്വദേശിയായ നാൽപതുകാരൻ താലൂക്ക് ആശുപത്രിയിൽ ചികിൽസതേടാൻ പോകുകയാണെന്ന് പറഞ്ഞ് പോയശേഷം കടന്നു കളഞ്ഞു. ഇന്ന് വൈകുന്നേരം അഞ്ചോടെയായിരുന്നു സംഭവം. വിവരമറിഞ്ഞ് പൊലീസും ഫയർ ഫോഴ്സും സ്ഥലത്തെത്തി.
Advertisements
ഫയർഫോഴ്സ് കായലിൽ ഇറങ്ങി ബൈക്ക് വടവുമായി ബന്ധിച്ചു കരയ്ക്കെത്തിച്ചു. ബൈക്ക് ഫയർഫോഴ്സ് പോലീസിന് കൈമാറി. പോലിസ് വാഹനത്തിന്റ നമ്പറിൽ ബന്ധപ്പെട്ടപ്പോൾ ബൈക്ക് തോട്ടു വക്കം സ്വദേശിയുടെതാണെന്ന് തിരിച്ചറിഞ്ഞു. ഇയാൾ എറണാകുളത്താണ് ജോലി ചെയ്യുന്നത്. ബൈക്കുമായി വീണത് തന്റെ ബന്ധുവാണെന്ന് തോട്ടുവക്കം സ്വദേശി പറഞ്ഞു.
