കേരള സര്‍ക്കാരിന്റെ സംസ്ഥാന ലോട്ടറി വകുപ്പ് ഡാറ്റാ ബേസ് അഡ്മിനിസ്‌ട്രേറ്റര്‍ തസ്തികകളിലേക്ക് ഒഴിവുകള്‍ നികത്തുന്നത് സംബന്ധിച്ച വിജ്ഞാപനം പുറത്തിറക്കി.നിലവില്‍ ഒരു ഒഴിവാണ് റിപ്പോര്‍ട്ട് ചെയ്തിരിക്കുന്നത്. പ്രസ്തുത തസ്തികയിലേക്ക് താല്‍പര്യവും ആവശ്യമായ യോഗ്യതയുമുള്ള ഉദ്യോഗാര്‍ത്ഥികളില്‍ നിന്ന് ലോട്ടറി വകുപ്പ് ഓണ്‍ലൈന്‍ അപേക്ഷ ക്ഷണിക്കുന്നു.
തിരഞ്ഞെടുക്കപ്പെടുന്നവരെ തിരുവനന്തപുരത്തായിരിക്കും നിയമിക്കുക. അപേക്ഷ സ്വീകരിക്കുന്ന അവസാന തിയതി ജൂലൈ 20 ആണ്. cru.dir.lotteries@kerala.gov.in എന്ന ഇ- മെയില്‍ വിലാസത്തിലേക്കാണ് അപേക്ഷ സമര്‍പ്പിക്കേണ്ടത്. നേരിട്ട് കൊണ്ടുവരുന്ന അപേക്ഷകള്‍ ഒരു കാരണവശാലും സ്വീകരിക്കുന്നതല്ല. തിരഞ്ഞെടുക്കപ്പെടുന്നവര്‍ക്ക് പ്രതിമാസം 80000 രൂപയാണ് ശമ്ബളമായി ലഭിക്കുക.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അപേക്ഷകരുടെ പ്രായപരിധി 50 വയസില്‍ കൂടാന്‍ പാടുള്ളതല്ല. ഓപ്പണ്‍ സോഴ്സ് ആര്‍ഡിബിഎംഎസ് മാനേജ്മെന്റില്‍ സര്‍ട്ടിഫിക്കേഷനോടുകൂടിയ ബിഇ/ബി.ടെക്(ഐടി/സിഎസ്/ഇസിഇ) എന്നിവ ഉള്ളവര്‍ക്ക് പ്രസ്തുത തസ്തികയിലേക്ക് അപേക്ഷിക്കാം. ലിനക്‌സ് പ്ലാറ്റ്ഫോമിന് കീഴില്‍ ഡാറ്റാബേസ് മാനേജ്മെന്റില്‍ കുറഞ്ഞത് മൂന്ന് വര്‍ഷത്തെ വ്യവസായ പരിചയം ഉള്ളവരായിരിക്കണം.
ഇന്‍ഡെക്‌സിംഗ്, പാര്‍ട്ടീഷനിംഗ്, ട്രിഗറുകള്‍, സംഭരിച്ച നടപടിക്രമങ്ങള്‍ & പ്രവര്‍ത്തനങ്ങള്‍, റെപ്ലിക്കേഷന്‍, മാസ്റ്റര്‍-സ്ലേവ് & മള്‍ട്ടി മാസ്റ്റര്‍, ക്ലസ്റ്ററിംഗ്, ട്യൂണിംഗ്, ബാക്കപ്പ് & വീണ്ടെടുക്കല്‍ എന്നിവയില്‍ പരിചയവും വൈദഗ്ധ്യവും, വലിയ ആപ്ലിക്കേഷനുകളില്‍ ഡാറ്റാബേസിലും സോഫ്റ്റ്വെയര്‍ ഒപ്റ്റിമൈസേഷനിലും പരിചയം, ക്ലൗഡ് എന്‍വയോണ്‍മെന്റ്/ ഡാറ്റാ സെന്റര്‍ പരിതസ്ഥിതിയില്‍ പരിചയം എന്നിവ ഉള്ളത് അഭികാമ്യം.
പ്രസ്തുത തസ്തികയിലേക്ക് അപേക്ഷിക്കാന്‍ ഏതെങ്കിലും തരത്തിലുള്ള അപേക്ഷ ഫീസ് ആവശ്യമില്ല. ഡോക്യുമെന്റ് വെരിഫിക്കേഷന്‍, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് യോഗ്യരായ ഉദ്യോഗാര്‍ത്ഥികളെ തിരഞ്ഞെടുക്കുക.
അപേക്ഷിക്കേണ്ട വിധം
www.statelottery.kerala.gov.in എന്ന ഔദ്യോഗിക വെബ്‌സൈറ്റ് തുറക്കുക. റിക്രൂട്ട്‌മെന്റ് / കരിയര്‍ / പരസ്യ മെനു” എന്നതില്‍ ഡാറ്റാ ബേസ് അഡ്മിനിസ്‌ട്രേറ്റര്‍ ജോബ് നോട്ടിഫിക്കേഷന്‍ കണ്ടെത്തി അതില്‍ ക്ലിക്ക് ചെയ്യുക. അവസാനം നല്‍കിയിരിക്കുന്ന ലിങ്കില്‍ നിന്ന് ഔദ്യോഗിക നോട്ടിഫിക്കേഷന്‍ ഡൗണ്‍ലോഡ് ചെയ്യുക. പൂര്‍ണ്ണമായ നോട്ടിഫിക്കേഷന്‍ ശ്രദ്ധാപൂര്‍വ്വം വായിച്ച്‌ നിങ്ങളുടെ യോഗ്യതാ മാനദണ്ഡങ്ങള്‍ പരിശോധിക്കുക.
താഴെയുള്ള ഔദ്യോഗിക ഓഫ്ലൈന്‍ അപേക്ഷ / രജിസ്‌ട്രേഷന്‍ ലിങ്ക് സന്ദര്‍ശിക്കുക. ആവശ്യമായ വിശദാംശങ്ങള്‍ ശരിയായി പൂരിപ്പിക്കുക. വിജ്ഞാപനത്തില്‍ സൂചിപ്പിച്ചിരിക്കുന്ന ഫോര്‍മാറ്റിലും വലുപ്പത്തിലും ആവശ്യമായ എല്ലാ രേഖകളും അപ്ലോഡ് ചെയ്യുക. രജിസ്റ്റര്‍ ചെയ്ത വിശദാംശങ്ങള്‍ ശരിയാണെന്ന് പരിശോധിച്ച ശേഷം സബ്മിറ്റ് ചെയ്യുക. അപേക്ഷയുടെ പ്രിന്റൗട്ട് എടുത്ത് മുകളില്‍ പറഞ്ഞ ഇ-മെയില്‍ വിലാസത്തിലേക്ക് അയയ്ക്കാം.