കൊച്ചി : യൂത്ത് കോണ്‍ഗ്രസിന്റെ കളക്ടറേറ്റ് മാർച്ചിനു നേരേയുണ്ടായ പോലീസ് ലാത്തിച്ചാർജില്‍ ഗുരുതര പരിക്കേറ്റ യൂത്ത് കോണ്‍ഗ്രസ് നേതാവ് 50 ലക്ഷം രൂപ നഷ്ടപരിഹാരം ആവശ്യപ്പെട്ട് ഹൈക്കോടതിയെ സമീപിച്ചു. ആലപ്പുഴ ജില്ലാ ജനറല്‍ സെക്രട്ടറി മേഘാ രഞ്ജിത്താണ് ഹർജി നല്‍കിയത്. ജസ്റ്റിസ് ടി.ആർ. രവി സർക്കാരിന്റെ വിശദീകരണം തേടി.
Advertisements
പ്രതിഷേധക്കാർക്കിടയില്‍നിന്ന് മാറിനില്‍ക്കുമ്പോഴാണ് പോലീസ് മർദിച്ചതെന്നും തലയ്ക്കും കഴുത്തിനും ഗുരുതര പരിക്കേറ്റെന്നും ഹർജിയില്‍ പറയുന്നു. ആലപ്പുഴ ഡിവൈ.എസ്.പി.യുടെ നേതൃത്വത്തില്‍ അമിതാധികാര പ്രയോഗമാണ് നടന്നത്. ഇത് മൗലികാവകാശങ്ങളുടെ ലംഘനമാണെന്നാണ് ഹർജിയില്‍ വാദം.
